പശു അമ്മയാണ്, ഹിന്ദു വിഭാഗത്തിലുള്ളവര് താമസിക്കുന്നിടങ്ങളില് ബീഫ് കഴിക്കുന്നത് നിയന്ത്രിക്കണം: അസം മുഖ്യമന്ത്രി
സംസ്ഥാനത്ത് നടപ്പാക്കാനൊരുങ്ങുന്ന പശു സംരക്ഷണ ബില്ലിനെ ന്യായീകരിച്ച് അസം മുഖ്യമന്ത്രി ഹിമന്ത ബിശ്വ ശര്മ. ഹിന്ദുക്കള് താമസിക്കുന്ന സ്ഥലങ്ങളില് ഗോമാംസം കഴിക്കരുതെന്ന് മുഖ്യമന്ത്രിയും ഭരണകക്ഷിയായ ബിജെപിയും നിര്ദ്ദേശിച്ചു. ഗവര്ണറുടെ നന്ദിപ്രമേയ ചര്ച്ചയില് തിങ്കളാഴ്ചയാണ് അസം മുഖ്യമന്ത്രി ആവശ്യം ഉന്നയിച്ചത്.
'പശു ഞങ്ങളുടെ അമ്മയാണെന്ന് ഞങ്ങള് വിശ്വസിക്കുന്നു. പശ്ചിമ ബംഗാളില് നിന്ന് കന്നുകാലികള് വരരുതെന്നതാണ് ഞങ്ങള് ആവശ്യപ്പെടുന്നത്. പശുക്കളെ ആരാധിക്കുന്ന സ്ഥലങ്ങളില് ഗോമാംസം കഴിക്കരുതെന്ന് ഞങ്ങള് ആഗ്രഹിക്കുന്നു.
മൊത്തത്തില് ആളുകള് അവരുടെ സ്വാഭാവിക ശീലങ്ങള് ഉപേക്ഷിക്കണമെന്നല്ല പറയുന്നതെന്നും ഹിമന്ത ബിശ്വ ശര്മ പറഞ്ഞു. ഹിന്ദുക്കള് താമസിക്കുന്ന സ്ഥലങ്ങളില് ഗോമാംസം കഴിക്കരുതെന്ന ലഖ്നൗവില് നിന്നുള്ള ദാറുല് ഉലൂമിന്റെ പ്രസ്താവനകള് താന് പലതവണ ശ്രദ്ധിച്ചിട്ടുള്ളതായും അസം മുഖ്യമന്ത്രി പറഞ്ഞു.
https://www.facebook.com/Malayalivartha
