പൊതു നിരത്തില്‍ കുതിച്ചുപായുന്ന വി ഐ പികളുടെ വാഹനമിടിച്ച് പാവപ്പെട്ടവര്‍ മരിച്ചാല്‍ പുല്ലുവിലയാണ്. വി ഐ പിയ്ക്ക് പരുക്കേള്‍ക്കുകയോ മറ്റോ ചെയ്താല്‍ അത് ദേശീയ മാധ്യമങ്ങള്‍ വരെ വാര്‍ത്തയാകും. ഇങ്ങോട്ട് വന്ന് ഇടിച്ചിട്ടും മരിച്ചയാളുടെ പേരില്‍ കുറ്റവും ചാര്‍ത്തി രക്ഷപ്പെടുന്ന വി ഐ പി സംസാകാരം. നടിയും ബിജെപിയുടെ മധുര എം പിയുമായ ഹേമ മാലിനിയുമായി അമിതവേഗതയില്‍ പോയ മെഴ്‌സിഡന്‍സ് ബെന്‍സ് കാറിടിച്ച് നാലുവയസുകാരി മരിച്ചു. ഹേമമാലിനിയുടെ മെഴ്‌സിഡന്‍സ് ബെന്‍സ് അമിതവേഗത്തില്‍ പാഞ്ഞെത്തി എതിരെ വന്ന ആള്‍ട്ടോ കാറിനെ ഇടിക്കുകയായിരുന്നുവെന്നാണ് ദൃക്‌സാക്ഷികള്‍ പറയുന്നത്.
ഇന്നലെ രാത്രി ഒമ്പതുമണിയോടെ രാജസ്ഥാനിലെ ദൗസായിലാണ് അപകടം. ഹേമാമാലിനിക്ക് പരിക്കുണ്ടെങ്കിലും ഗുരുതരമല്ലെന്ന് ഡോക്ടര്‍മാര്‍ പറഞ്ഞു. ആഗ്രയില്‍നിന്നു ജയ്പൂരിലേക്കുള്ള യാത്രാമധ്യേ ദേശീയ പാത 11 ലാണ് ഹേമമാലിനിയുടെ കാര്‍ അപകടത്തില്‍ പെട്ടത്. എതിരെ വന്ന ആള്‍ട്ടോ കാറിലേക്ക് ഹേമമാലിനിയുടെ കാര്‍ നാലു വയസുകാരിയും കുടുംബവും സഞ്ചരിച്ചത് ആള്‍ട്ടോകാറിലേക്ക് ഇടിച്ചുകയറുകയായിരുന്നു. സംഭവത്തില്‍ നാലു പേര്‍ക്കു ഗുരുതരമായി പരുക്കേറ്റു. അപകടത്തില്‍ പെട്ട ഹേമമാലിനിയെയും മറ്റുള്ളവരെയും ഉടന്‍ ആശുപത്രിയില്‍ പ്രവേശിപ്പിച്ചു. നെറ്റിലിലും തലയ്ക്കും മൂക്കിലുമാണ് ഹേമമാലിനിക്ക് പരിക്ക്. രണ്ടുപേരുടെ നില ഗുരുതരമാണ്. പരുക്കേറ്റവരെ ദൗസ ആശുപത്രിയിലും ഹേമമാലിനിയെ ഫോര്‍ടിസ് ആശുപത്രിയിലുമാണ് പ്രവേശിപ്പിച്ചത്.
ഹേമമാലിനിയുടെ പരുക്ക് ഗുരുതരമല്ലെന്ന് ഡോക്ടര്‍മാര്‍ പറഞ്ഞു.അപകടത്തില്‍ പരുക്കേറ്റവര്‍ക്ക് എല്ലാ സഹായവും നല്‍കുമെന്ന് രാജസ്ഥാന്‍ മുഖ്യമന്ത്രി വസുന്ധരെ രാജെ അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha