ഗുജ്റാത്ത് കലാപം അബദ്ധമെന്ന് വാജ്പേയ് പറഞ്ഞതായി മുന് റോ മേധാവി
2002ലെ ഗോധ്ര കലാപത്തില് മുന് പ്രധാനമന്ത്രി അടല് ബിഹാരി വാജ്പേയി അതൃപ്തി രേഖപ്പെടുത്തിയെന്നും കലാപത്തെ അബദ്ധമെന്നാണ് വിശേഷിപ്പിച്ചതെന്നും ഇന്ത്യയുടെ ചാര സംഘടനയായ റിസര്ച്ച് ആന്ഡ് അനാലിസിസ് വിംഗ് (റാ) മുന് മേധാവി എ.എസ്.ദുലതിന്റെ വെളിപ്പെടുത്തല്. ഇന്ത്യാ ടുഡേ ടെലിവിഷന്റെ പരിപാടിയിലാണ് ദുലത് ഇക്കാര്യങ്ങള് വെളിപ്പെടുത്തിയത്.
വാജ്പേയിയുമായി താന് അന്ന് കൂടിക്കാഴ്ച നടത്തിയെന്നും അത് നമുക്ക് പറ്റിയ അബദ്ധമായിരുന്നു എന്നാണ് അദ്ദേഹം പറഞ്ഞതെന്നും ദുലത് വെളിപ്പെടുത്തി. കലാപം ഉണ്ടായതിന്റെ ദു:ഖം വാജ്പേയിയുടെ മുഖത്ത് നിഴലിച്ചിരുന്നു എന്നും അദ്ദേഹം കൂട്ടിച്ചേര്ത്തു. കാശ്മീര് വിഷയത്തില് വാജ്പേയിയുടെ പ്രത്യേക ഉപദേശകനായി നിയമിക്കുന്നതിന് മുന്പ് രണ്ടായിരാമാണ്ട് വരെ റായുടെ തലവനായിരുന്നു ദുലത്.
കലാപം നടക്കുബോള് പ്രധാനമന്ത്രി നരേന്ദ്ര മോഡി ആയിരുന്നു ഗുജറാത്ത് മുഖ്യമന്ത്രി. ഈസംഭവത്തെ തുടര്ന്ന് മോദിക്ക് അമേരിക്ക വിസ അനുവദിക്കുന്നത് ഒന്പത് വര്ഷത്തേക്ക് തടഞ്ഞിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha