കേന്ദ്രമന്ത്രിസഭയിൽ പുനഃസംഘടന; മെട്രോമാന് ഇ ശ്രീധരന്റെ പേര് പരിഗണിക്കുന്നു; അന്തിമ തീരുമാനം പ്രധാനമന്ത്രി നരേന്ദ്രമോദിയുടേത്
മെട്രോമാന് ഇ ശ്രീധരന്റെ പേര് കേന്ദ്രമന്ത്രിസഭയിലേയ്ക്ക് പരിഗണിക്കുന്നു. പാലക്കാട് ബിജെപി സ്ഥാനാര്ത്ഥിയായി മത്സരിച്ച ശ്രീധരന് വോട്ടെണ്ണലിന്റെ അവസാനഘട്ടത്തിലാണ് കോണ്ഗ്രസ് സ്ഥാനാര്ത്ഥിയായ ഷാഫി പറമ്ബിലിനോട് പരാജയപ്പെട്ടത്. കൊവിഡ് പ്രതിരോധ പ്രവര്ത്തനങ്ങളില് കേന്ദ്രസര്ക്കാരിന് നഷ്ടപ്പെട്ട പ്രതിച്ഛായ വീണ്ടെടുക്കാനുള്ള ശ്രമമാണ് നിലവില് ബിജെപി നടത്തുന്നത്. ഇതിന്റെ ഭാഗമായാണ് ബിജെപി ജനറല് സെക്രട്ടറിമാരുടെ യോഗം ഡല്ഹിയില് നടക്കുന്നത്.
സുശീല്കുമാര് മോദി, സര്ബാനന്ദ സോനോവാള്, രാംമാധവ് തുടങ്ങിയവരാണ് പരിഗണന പട്ടികയില് ഉള്ളത്. രണ്ട് ദിവസത്തെ ബിജെപി ജനറല് സെക്രട്ടറിമാരുടെ യോഗത്തിന് ശേഷം പ്രധാനമന്ത്രി നരേന്ദ്രമോദി ഇക്കാര്യത്തില് അന്തിമ തീരുമാനമെടുക്കും.
യോഗത്തില് കേന്ദ്രമന്ത്രിസഭയുടെ പുനഃസംഘടനയാണ് പ്രധാനമായും ചര്ച്ചയായത്. കൂടുതല് യോഗ്യരായവരെ മന്ത്രിസഭയിലേയ്ക്ക് എത്തിക്കണമെന്നാണ് യോഗത്തില് ഉയര്ന്ന ആവശ്യം. ഇതിലേക്കാണ് സുശീല് കുമാര് മോദിയുടേയും ഇ. ശ്രീധരന്റേയും ഉള്പ്പെടെ പേരുകള് പരിഗണിക്കുന്നത്. പുതിയതായി ആരൊക്കെ മന്ത്രിസഭയിലേക്ക് എന്ന കാര്യത്തില് പ്രധാനമന്ത്രി തീരുമാനമെടുക്കും.
https://www.facebook.com/Malayalivartha
