ഒടുവില് മനസുമാറി: വ്യാപം കേസില് സി.ബി.ഐ അന്വേഷണത്തിന് തയ്യാറെന്ന് ചൗഹാന്
മധ്യപ്രദേശ് സര്ക്കാരിനെ പ്രതികൂട്ടിലാക്കിയ വ്യാപം നിയമന തട്ടിപ്പില് സി.ബി.ഐ അന്വേഷണത്തിന് വഴങ്ങി മുഖ്യമന്ത്രി ശിവരാജ് സിംഗ് ചൗഹാന്. കേസില് സി.ബി.ഐ അന്വേഷണത്തിന് ഉത്തരവിടണമെന്ന് ഹൈക്കോടതിയില് ആവശ്യപ്പെടുമെന്ന് ചൗഹാന് പത്രസമ്മേളനത്തില് വ്യക്തമാക്കി. കോടതിയില് തനിക്ക് പൂര്ണ്ണ വിശ്വാസമാണ്. എന്നാല് അടുത്ത കാലത്തുണ്ടായ ചില സംഭവവികാസങ്ങള് സി.ബി.ഐ അന്വേഷണം വേണമെന്ന സാഹചര്യത്തിലേക്ക് നയിച്ചുവെന്നും ചൗഹാന് കൂട്ടിച്ചേര്ത്തു.
ഹൈക്കോടതിയുടെ നിരീക്ഷണത്തിലുള്ള പ്രത്യേക അന്വേഷണ സംഘമാണ് ഇപ്പോള് കേസ് അന്വേഷിക്കുന്നത്. എന്നാല് സര്ക്കാര് നിയമിച്ച അന്വേഷണ സംഘത്തിന് എങ്ങനെ സുതാര്യമായ അന്വേഷണം നടത്താന് കഴിയുമെന്നായിരുന്നു കോണ്ഗ്രസ് അടക്കമുള്ള പ്രതിപക്ഷ കക്ഷികളുടെ ആക്ഷേപം. സി.ബി.ഐ അന്വേഷണം ആവശ്യപ്പെട്ടുള്ള ഹര്ജികളില് സുപ്രീം കോടതിയില് വ്യാഴാഴ്ച വാദം കേള്ക്കാനിരിക്കേയാണ് മുഖ്യമന്ത്രി നിലപാട് മാറ്റിയത്.
സര്ക്കാര് സംശയാതീതമായിരിക്കണം. പൊതു അഭിപ്രായം മാനിക്കുന്നുവെന്നും അന്വേഷണം സി.ബി.ഐയ്ക്ക് വിടണമെന്ന് അപേക്ഷിച്ചുകൊണ്ടുള്ള കത്ത് ഹൈക്കോടതിക്കു നല്കുമെന്നും ചൗഹാന് അറിയിച്ചു. അതിനിടെ സിനിമയെ വെല്ലുന്ന കൊലപാതകങ്ങള് ബിജെപിയുടെ പൊയ്മുഖത്തെയാണ് കാണിക്കുന്നതെന്ന് കോണ്ഗ്രസ് ആരോപിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha