"പുതു ഉയരങ്ങള് തേടി"; 5ജി നെറ്റ്വര്ക്ക് ട്രയലുമായി എയര്ടെല് രംഗത്ത്!! ടെലികമ്മ്യൂണിക്കേഷന് വകുപ്പിന്റെ മാര്ഗ്ഗനിര്ദ്ദേശങ്ങള് പാലിച്ച് പരീക്ഷണങ്ങള് ആരംഭിച്ചു
16 JUNE 2021 12:40 PM IST
മലയാളി വാര്ത്ത
രാജ്യത്ത് എയര്ടെല് ആദ്യമായി 5ജി ട്രയല് പരീക്ഷണ ഘട്ടം ആരംഭിച്ചു. ഹരിയാനയില് ഗുഡ്ഗാവില് ഇപ്പോള് 1 ജിബി പിഎസ് ഡൗണ്ലോഡ് വേഗത കാണിക്കുന്നുണ്ട്. 3500 മെഗാഹെര്ട്സ് മിഡില് ബാന്ഡ് സ്പെക്ട്രത്തിലാണ് എയര്ടെല് 5ജി പ്രവര്ത്തിക്കുന്നത്.
ടെലി കമ്മ്യൂണിക്കേഷന് വകുപ്പിന്റെ മാര്ഗ്ഗനിര്ദ്ദേശങ്ങള് പാലിച്ചാണ് പരീക്ഷണങ്ങള് ആരംഭിച്ചിരിക്കുന്നത്. ഭാരതി എയര്ടെല്ലിന്റെ 5 ജി നെറ്റ്വര്ക്കിന് മുംബൈ, കൊല്ക്കത്ത, ബെംഗളൂരു, ഡല്ഹി എന്നിവയുള്പ്പെടെ നാല് ഇന്ത്യന് ടെലികോം സര്ക്കിളുകളില് സ്പെക്ട്രം അനുവദിച്ചിട്ടുണ്ട്. രാജ്യത്തിന്റെ മറ്റ് പ്രദേശങ്ങളില് മിഡ് സ്പെക്ട്രം പരീക്ഷിക്കാന് സാധ്യതകള് ഉണ്ടെന്നും അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
