ഇന്ത്യയില്‍നിന്നോ ഇന്ത്യന്‍ ഉപഭൂഖണ്ഡത്തിലെ മറ്റു രാജ്യങ്ങളില്‍നിന്നോ ഉള്ള സിനിമാ ഗാനങ്ങള്‍ റിങ്‌ടോണുകളായോ സ്വാഗത ഗീതമായോ ഉപയോഗിക്കരുതെന്ന് മൊബൈല്‍ ഫോണ്‍ ഉപയോക്താക്കളോടു ബംഗ്ലാദേശ് ഹൈക്കോടതി നിര്‍ദ്ദേശിച്ചു.

ബംഗ്ലാദേശിലെ 121 ദശലക്ഷം പേരെ ഇതു ബാധിക്കും. ഹിന്ദി സിനിമകള്‍, ഇന്ത്യബംഗ്ലാ സിനിമകള്‍, ഇന്ത്യന്‍ ഉപഭൂഖണ്ഡത്തിലെ മറ്റു രാജ്യങ്ങള്‍ എന്നിവിടങ്ങളിലെ സിനിമാ ഗാനങ്ങള്‍ മൂല്യവര്‍ധിത സേവനങ്ങളുടെ കൂട്ടത്തില്‍ ഉപയോഗിക്കുന്നത് ഒഴിവാക്കണമെന്നാണ് ഉത്തരവ്.

റിട്ട് പരാതിയില്‍ വാദം കേട്ടശേഷം ജസ്റ്റിസ് ഫറാ മഹ്ബൂബ്, കാസി ഇജാറുള്‍ ഹഖ് അകൊന്‍ഡോ എന്നിവരുള്‍പ്പെട്ട ബെഞ്ചാണ് ഉത്തരവിറക്കിയത്. എന്നാല്‍, ഇതു നിയമവിരുദ്ധമാക്കിയിട്ടില്ലെന്നും പരാതിക്കാരുടെ അഭിഭാഷകന്‍ മെഹ്ദി ഹസന്‍ ചൗധരി പറഞ്ഞു.

ബംഗ്ലാദേശ് ഇറക്കുമതി നയം അനുസരിച്ച് ഇന്ത്യന്‍, ഇന്ത്യ ഉപഭൂഖണ്ഡ സിനിമകള്‍ക്കു ബംഗ്ലാദേശില്‍ നിരോധനമുണ്ട്. പിന്നെന്തിനാണ് ഈ സിനിമകളിലെ പാട്ടുകള്‍ റിങ്‌ടോണുകളായി ഉപയോഗിക്കുന്നതെന്നും ചൗധരി ചോദിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha