പിന്നാക്ക വിഭാഗത്തില്‍ നിന്നും രാജ്യത്തിന് ഏറ്റവും കൂടുതല്‍ മുഖ്യമന്ത്രിമാരെയും ആദ്യ പ്രധാനമന്ത്രിയെയും നല്‍കിയത് ബിജെപിയണെന്ന് കോണ്‍ഗ്രസ് അദ്ധ്യക്ഷന്‍ അമിത്ഷാ. രാജ്യത്തെ പിന്നാക്ക വിഭാഗത്തിന്റെ ക്ഷേമത്തിനായി പ്രവര്‍ത്തിക്കുന്ന ഏക പാര്‍ട്ടി ബിജെപി മാത്രമാണെന്നും അമിത്ഷാ പറഞ്ഞു.
ഇപ്പോള്‍ ഏറ്റവും കൂടുതല്‍ ഒബിസി എംഎല്‍എമാരും എംപിമാരും ബിജെപിയില്‍ നിന്നാണ്. ഇതില്‍ നിന്നു തന്നെ പാര്‍ട്ടി പിന്നാക്കര്‍ക്ക് നല്‍കുന്ന പ്രധാന്യത്തെക്കുറിച്ച് വ്യക്തമാണെന്നും അമിത്ഷാ പറയുന്നു. ബിജെപിയിലെ പിന്നാക്ക വിഭാഗങ്ങള്‍ക്ക് വേണ്ടിയുള്ള ഒബിസി മോര്‍ച്ചയുടെ ഉദ്ഘാടന വേളയിലാണ് അമിത്ഷാ ഇക്കാര്യം വ്യക്തമാക്കിയത്.
സമാജ്‌വാദി പാര്‍ട്ടി, ആര്‍ജെഡി, ജെഡി (യു) എന്നീ പാര്‍ട്ടികളെ പേരെടുത്തു പരാമര്‍ശിക്കാതെയാണ് ഷാ വിമര്‍ശിച്ചത്. തെരഞ്ഞെടുപ്പ് നടക്കാന്‍ പോകുന്ന ബീഹാര്‍, ഉത്തര്‍പ്രദേശ് എന്നീ സംസ്ഥാനങ്ങളില്‍ മേല്‍ക്കോയ്മ നേടുക ഉന്നമിട്ടാണ് ബിജെപി ഒബിസി മോര്‍ച്ച രൂപീകരിച്ചിട്ടുള്ളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha