ആം ആദ്മി പാര്‍ട്ടിയുടെ കൈയില്‍ പണമില്ലെന്ന് ഡല്‍ഹി മുഖ്യമന്ത്രി അരവിന്ദ് കേജ്‌രിവാള്‍. അധികാരത്തിലേറിയ ശേഷം തങ്ങളുടെ ഫണ്ട് എല്ലാം തീര്‍ന്നെന്നും ഇനി പാര്‍ട്ടിയെ മുന്നോട്ട് കൊണ്ട് പോകാന്‍ ജനങ്ങളുടെ സഹായം വേണമെന്നും അദ്ദേഹം ആവശ്യപ്പെട്ടു. ജനങ്ങളില്‍ നിന്നും ഇതു പോലെ ഫണ്ട് ചോദിക്കുന്ന താന്‍ എന്തൊരു വിചിത്രനായ മുഖ്യമന്ത്രിയാണെന്ന് നിങ്ങള്‍ ചോദിച്ചേക്കും. ഞങ്ങള്‍ക്ക് തെറ്റായ മാര്‍ഗത്തില്‍ പണമുണ്ടാക്കാം എന്നാല്‍ ഞങ്ങള്‍ അത്തരക്കാരല്ലെന്നും അദ്ദേഹം കൂട്ടിച്ചേര്‍ത്തു. കണക്കില്ലാതെ കോടിക്കണക്കിന് രൂപ സംഭാവന വാങ്ങിയെന്ന് കേജ്‌രിവാളിന്റെ പാര്‍ട്ടിക്കെതിരെ ആരോപണം ഉണ്ടായിരുന്നു. പരസ്യങ്ങള്‍ക്കായി 500 കോടി രൂപ എ.എ.പി ഉപയോഗിച്ചിരുന്നെന്നും അടുത്തിടെ ആരോപണമുണ്ടായി.\'ജനങ്ങളെ സഹായിക്കേണ്ടവരാണ് ഞങ്ങള്‍. എന്നാല്‍ ഇപ്പോള്‍ ഞങ്ങളുടെ ദൈനം ദിന ചെലവുകള്‍ക്ക് ഫണ്ട് ആവശ്യമാണ്. മുന്പ് പൊതുജനങ്ങളാണ് ഞങ്ങള്‍ക്ക് ഫണ്ട് സംഭാവനയായി തന്നത്. എന്നാല്‍ അവയൊന്നും ഞങ്ങള്‍ മാറ്റിവച്ചിട്ടില്ല. ലഭിച്ച ഓരോ രൂപയ്ക്കും ഞങ്ങളുടെ പക്കല്‍ റെക്കാര്‍ഡ് ഉണ്ട്\' എന്ന് കേജ്‌രിവാള്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha