യുവതിയെ കബളിപ്പിച്ച് ലക്ഷങ്ങള്‍ തട്ടിയെടുത്ത മന്ത്രവാദി പിടിയില്‍
യുവതിയെ കബളിപ്പിച്ച് ലക്ഷങ്ങള്‍ തട്ടിയെടുത്ത മന്ത്രവാദി പിടിയില്‍. താനുമായി വേര്‍പിരിഞ്ഞ കാമുകനുമായുള്ള വിവാഹം നടക്കാന്‍ വേണ്ടിയാണ് യുവതി മന്ത്രവാദിയെ സമീപിച്ചത്. 26കാരിയില്‍ നിന്ന് നാലരലക്ഷം രൂപയിലധികമാണ് ഇയാള്‍ കവര്‍ന്നതെന്ന് പൊലീസ് പറഞ്ഞു. ബാബ കരീം ഖാന്‍ എന്നയാളാണ് അറസ്റ്റിലായതെന്ന് നവി മുംബൈ പൊലീസ് പറഞ്ഞു. കാമുകനുമായുള്ള ബന്ധം വേര്‍പിരിഞ്ഞതിന് പിന്നാലെ യുവതി വിഷാദാവസ്ഥയിലായിരുന്നു. ഇതിന് പിന്നാലെ കാമുകനുമായി അടുക്കാന്‍ മന്ത്രവാദം നടത്തിയാല്‍ മതിയെന്ന് യുവതിയോട് ഇയാള്‍ പറഞ്ഞു. മന്ത്രവാദം നടത്തുന്നതിലൂടെ കാമുകന് മറ്റ് വിവാഹാലോചനകള്‍ മുടങ്ങുമെന്ന് താന്ത്രികന്‍ അറിയിക്കുകയും ചെയ്്തു. ഇത് വിശ്വസിച്ചാണ് യുവതി ലക്ഷങ്ങള്‍ മന്ത്രവാദിക്ക് നല്‍കിയത്.
വിവിധഘട്ടങ്ങളിലായി യുവതി നാലരലക്ഷം രൂപനല്‍കിയതായും പൊലീസ് പറയുന്നു. എന്നാല്‍ യുവതി ആഗ്രഹിച്ച ഫലലഭ്യത ഉണ്ടാവാത്തതോടെ താന്ത്രികനോട് പണം തിരികെ നല്‍കാന്‍ ആവശ്യപ്പെട്ടു. പണം തിരിച്ച് നല്‍കാന്‍ അയാള്‍ തയ്യാറായില്ല. ഇക്കാര്യം പൊലീസിനെ അറിയിച്ചാല്‍ മന്ത്രവിദ്യ നടത്തി റോഡപകടത്തിലൂടെ കൊലപ്പെടുത്തുമെന്നും ഇയാള്‍ യുവതി അറിയിച്ചു. പണം ലഭിക്കാതെ വന്നതോടെ യുവതി പൊലീസിനെ സമിപിക്കുകയായിരുന്നു.
https://www.facebook.com/Malayalivartha
