ഗ്യാസ് സബ്സിഡി ഇല്ലാതാക്കാന് സീറോ കൊണ്ട് ഒരു കളി
ഗ്യാസ് ബുക്ക് ചെയ്യുമ്പോള് ചുമ്മാ തമാശക്ക് സീറോ പിടിച്ച് ഞെക്കുന്നവര് ജാഗ്രതെ. ഗ്യാസ് പോണവഴി അറിയില്ല. നിങ്ങള് സബ്സിഡിയില് നിന്ന് ഔട്ടും ആകും. കേരളത്തിലെ പെട്രോളിയം കമ്പനികള് മുന്നറിയിപ്പൊന്നുമില്ലാതെ ഗ്യാസ് ബുക്കിങ്ങിനായുള്ള ഐ.വി.ആര്.എസ്. സംവിധാനത്തില് മാറ്റം വരുത്തിയത് ഉപഭോക്താക്കള്ക്ക് പാരയാകുന്നു. പുതിയ മാറ്റമനുസരിച്ച് ഐ.വി.ആര്.എസ്. വഴി ഗ്യാസ് ബുക്ക് ചെയ്യുമ്പോള് ആദ്യം കേള്ക്കുന്നത് സീറോ അമര്ത്താനാണ്. സീറോയില് അമര്ത്തിയാല് നിലവില് കിട്ടിക്കൊണ്ടിരിക്കുന്ന സബ്സിഡി ലഭിക്കില്ല. പ്രധാനമന്ത്രിയുടെ \'ഗിവ് ഇറ്റ് അപ്പ്\' പദ്ധതിയനുസരിച്ച് സബ്സിഡി ആവശ്യമില്ലാത്തവര്
\'സീറോ\' അമര്ത്തണമെന്നാണ് ഇപ്പോള് ഐ.വി.ആര്.എസ്. സംവിധാനത്തില് തുടക്കത്തില് ലഭിക്കുന്ന അറിയിപ്പ് ക്രമീകരിച്ചിട്ടുള്ളത്. ഇതിനു മുന്പു വരെ ഒന്ന് അമര്ത്താനായിരുന്നു നിര്േദശം. ഒന്ന് അമര്ത്തിയാല് ഗ്യാസ് റീഫില് ബുക്ക് ചെയ്യും. തുടര്ന്നുള്ള നമ്പരുകളില് അമര്ത്തിയാല് മറ്റ് സേവനങ്ങള് ലഭിക്കും. ഇതറിയാതെ സീറോ അമര്ത്തുന്നവരാണ് കെണിയില് പെടുന്നത്. അബദ്ധത്തില് സീറോ അമര്ത്തിയതിനാല് കഴിഞ്ഞ രണ്ട് ദിവസത്തിനിടെ മാത്രം സബ്സിഡി നഷ്ടമായവര് ഒട്ടേറെയാണെന്ന് ഗ്യാസ് ഏജന്സി ഉടമകള് പറയുന്നു.
ഇതിനിടെ പ്രധാനമന്ത്രിയുടെ ഗിവ് ഇറ്റ് അപ്പ് പദ്ധതിക്ക് വേണ്ടത്ര പ്രതികരണം ലഭിക്കാത്ത സംസ്ഥാനം കേരളമാണെന്നറിയുന്നു. മറ്റ് സംസ്ഥാനങ്ങളില് സംബ്സിഡി ഉപേക്ഷിക്കാന് തയ്യാറായി ഒട്ടേറെയാളുകള് വന്നപ്പോള് കേരളത്തില് ആ നിലയ്ക്കുള്ള പ്രതികരണം ഇല്ലാതെ പോയതാണ് കുറുക്കുവഴി കണ്ടെത്താന് കേരളത്തിലെ പെട്രോളിയം കമ്പനികളെ പ്രേരിപ്പിച്ചതെന്ന പരാതിയും ഉയര്ന്നിട്ടുണ്ട്. പുതിയ ക്രമീകരണത്തിലൂടെ കൂടുതല് ആളുകളെ പദ്ധതിയിലേക്ക് കൊണ്ടുവരുന്നതിനുള്ള എളുപ്പവഴിയാണിതെന്നും കരുതപ്പെടുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
