ഗോദാവരി പുഷ്‌കരം മേളയില്‍ നിന്ന് ഭിക്ഷാടകരെ അകറ്റിനിര്‍ത്താന്‍ പുതിയൊരു വാഗ്ദാനവുമായി ആന്ധ്രപ്രദേശ് സര്‍ക്കാര്‍ രംഗത്ത്. 144 വര്‍ഷത്തിലൊരിക്കല്‍ നടക്കുന്ന ഉത്സവത്തില്‍ നിന്ന് ഭിക്ഷാടകര്‍ ഒഴിഞ്ഞുനില്‍ക്കുമ്പോള്‍ അവര്‍ക്കുണ്ടാകുന്ന വരുമാന നഷ്ടം നികത്താന്‍ 5000 രൂപ വീതം നല്‍കാമെന്നാണ് സര്‍ക്കാരിന്റെ വാഗ്ദാനം.

ജൂലൈ 25 വരെ നീളുന്ന ഉത്സവത്തില്‍ നിന്ന് ഒഴിഞ്ഞു നിന്നാല്‍ നഷ്ടപരിഹാരത്തിനൊപ്പം സൗജന്യ ആഹാരവും നല്‍കാമെന്നാണ് സര്‍ക്കാര്‍ നല്‍കുന്ന വാഗ്ദാനം. റേഷന്‍കാര്‍ഡില്ലാത്തവര്‍ക്കും സര്‍ക്കാരിന്റെ ധനസഹായം പറ്റാത്തവര്‍ക്കുമാണ് സൗജന്യം പ്രഖ്യാപിച്ചിരുന്നത്. എന്നാല്‍, അര്‍ഹരല്ലാത്തവരും സഹായത്തിനായി തിക്കിത്തിരക്കുന്നത് അധികൃതര്‍ക്ക് തലവേദനയുണ്ടാക്കുന്നു.

മുഖ്യമന്ത്രി ചന്ദ്രബാബു നായിഡുവിന്റെ നിര്‍ദേശപ്രകാരമാണ് ഭിക്ഷാടകര്‍ക്ക് സഹായം പ്രഖ്യാപിച്ചത്. അമേരിക്കന്‍ പ്രസിഡന്റായിരിക്കവേ ബില്‍ ക്ലിന്റണ്‍ 2000-ല്‍ സന്ദര്‍ശനം നടത്തിയപ്പോള്‍ ഹൈദരാബാദില്‍ നിന്ന് ഭിക്ഷാടകരെ നായിഡുവിന്റെ നിര്‍ദേശപ്രകാരം പുനരധിവാസകേന്ദ്രത്തിലേക്ക് മാറ്റിപ്പാര്‍പ്പിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha