മരിച്ചവരെ എന്നപോലെ അബ്ദുള് കലാമിന്റെ ചിത്രത്തിലും മാല ചാര്ത്തി; ഝാര്ഖണ്ഡിലെ ബിജെപി മന്ത്രി വിവാദത്തില്
ഫോട്ടോ വെച്ചാല് ആള് മരിച്ചതാവില്ല മന്ത്രീ. ജീവിച്ചിരിക്കുന്ന എ പി ജെ അബ്ദുള് കലാമിന് ബിജെപി മന്ത്രിയുടെ \'ആദരാഞ്ജലി\'. ഝാര്ഖണ്ഡിലാണ് വിവാദ സംഭവം.ഇന്ത്യയുടെ മുന് രാഷ്ട്രപതി എ പി ജെ അബ്ദുല് കലാമിന്റെ ചിത്രത്തില് മാല ചാര്ത്തി ആദരാഞ്ജലി അര്പ്പിച്ചത് ഝാര്ഖണ്ഡിലെ വിദ്യാഭ്യാസ മന്ത്രി നീര യാദവാണ്. കൊടര്മയിലെ സ്കൂളില് സംഘടിപ്പിച്ച പരിപാടി ഉദ്ഘാടനം ചെയ്യാനെത്തിയപ്പോഴായിരുന്നു അബ്ദുല് കലാമിന്റെ ചിത്രത്തില് ആദരാഞ്ജലി അര്പ്പിച്ചത്.പരിപാടിയിലെ മുഖ്യാതിഥിയായിരുന്നു വിദ്യാഭ്യാസ മന്ത്രി. ഇതിനു മുന്നോടിയായാണ് അബ്ദുല് കലാമിന്റെ ചിത്രത്തില് ഹാരം ചാര്ത്തി ആദരവ് അര്പ്പിച്ചത്. സാധാരണ മരിച്ച വ്യക്തിക്കാണ് ഇത്തരത്തില് ആദരവ് നല്കുന്നത്. സംഭവ സമയത്ത് മന്ത്രിയോടൊപ്പം ബിജെപി എംഎല്എ മനീഷ് ജെയ്സ്വാള്, സ്കൂള് പ്രിന്സിപ്പല് തുടങ്ങിയവരും ഉണ്ടായിരുന്നു. ഇവരില് ആര്ക്കും തന്നെ ജീവിച്ചിരിക്കുന്ന ഒരാള്ക്കാണ് തങ്ങള് ഇപ്രകാരം ചെയ്യുന്നതെന്ന് മനസ്സിലായില്ലെന്നാണു റിപ്പോര്ട്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
