സ്വാശ്രയ മെഡിക്കല് കോളജുകള്ക്ക് പ്രവേശനത്തിന് അംഗീകാരം മൗലീകാവകാശമല്ലെന്ന് സുപ്രീം കോടതി
സ്വാശ്രയ മെഡിക്കല് കോളജുകള്ക്ക് പ്രവേശനം നടത്താന് അംഗീകാരം ലഭിക്കാത്തത് മൗലീകാവകാശ ലംഘനമല്ലെന്ന് സുപ്രീം കോടതി. ഡി.എം. വയനാട് ഇന്സ്റ്റിറ്റിയൂട്ട് ഓഫ് മെഡിക്കല് സയന്സ്, പാലക്കാട് പി.കെ.ദാസ് മെഡിക്കല് കോളജ് എന്നീ സ്വാശ്രയ സ്ഥാപനങ്ങളുടെ ഹര്ജി തള്ളിയാണ് സുപ്രീം കോടതിയുടെ ഉത്തരവ്. ജസ്റ്റീസുമാരായ എം.വൈ ഇക്ബാല്, അരുണ് മിശ്ര എന്നിവരടങ്ങിയ ബഞ്ചാണ് വിധി പ്രസ്താവിച്ചത്.
പ്രവേശനത്തില് അന്തിമ തീരുമാനമെടുക്കേണ്ടത് കേന്ദ്ര സര്ക്കാരും മെഡിക്കല് കൗണ്സില് ഓഫ് ഇന്ത്യയുമാണ്. ഇക്കാര്യത്തില് മെഡിക്കല് കൗണ്സില് തീരുമാനം ചോദ്യം ചെയ്ത് മാനേജ്മെന്റുകള് നേരിട്ട് സുപ്രീം കോടതിയെ സമീപിച്ചത് തെറ്റെന്നും കോടതി ഉത്തരവിട്ടു. മെഡിക്കല് കോളജുകള്ക്ക് ആവശ്യമെങ്കില് ഹൈക്കോടതിയെ സമീപിക്കാമെന്നും കോടതി നിരീക്ഷിച്ചു.
ഡി.എം.വയനാട് ഇന്സ്റ്റിറ്റിയൂട്ട് ഓഫ് മെഡിക്കല് സയന്സ്, പാലക്കാട് പി.കെ.ദാസ് മെഡിക്കല് കോളേജ് എന്നീ സ്വാശ്രയ സ്ഥാപനങ്ങള്ക്ക് ഈ അധ്യയന വര്ഷം മെഡിക്കല് പ്രവേശനം നടത്തുന്നതിന് മെഡിക്കല് കൗണ്സില് ഓഫ് ഇന്ത്യ അനുമതി നിഷേധിച്ചിരുന്നു. ആവശ്യമായ സൗകര്യങ്ങള് ഇല്ല എന്ന് ചൂണ്ടിക്കാട്ടിയായിരുന്നു എംസിഐയുടെ നടപടി. ഇത് ചോദ്യം ചെയ്താണ് മെഡിക്കല് കോളേജുകള് സുപ്രീംകോടതിയെ സമീപിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
