പാകിസ്ഥാന്‍ മുന്‍ പ്രസിഡന്റ് പര്‍വേസ് മുഷറഫിനെ മികച്ച വ്യക്തിത്വമായി ചിത്രീകരിച്ച മധ്യപ്രദേശിലെ മൂന്നാം ക്ലാസ് പാഠപുസ്തകം വിവാദത്തില്‍. ജബല്‍പൂരിലെ ക്രൈസ്റ്റ് ആശാ സ്‌കൂളിലെ മൂന്നാം കഌസ് വിദ്യാര്‍ത്ഥികള്‍ക്കുള്ള പുസ്തകത്തിലാണ് ലോകത്തിലെ ഏറ്റവും മികച്ച ആറു വ്യക്തികളില്‍ ഒരാളായി പര്‍വേസ് മുഷറഫിന്റെ പേരും ഉള്‍പ്പെടുത്തിയിരിക്കുന്നത്. 1999ലെ ഇന്ത്യപാകിസ്ഥാന്‍ കാര്‍ഗില്‍ യുദ്ധത്തിന്റെ ശില്‍പി എന്നറിയപ്പെടുന്ന മുഷാറഫിനെ ആറ് മഹാന്മാര്‍ക്കൊപ്പം ഉള്‍പെടുത്തിയത്. മുഷാറഫിന്റെ ചിത്രവും ഇതോടൊപ്പമുണ്ട്.
കാര്‍ഗില്‍ യുദ്ധത്തില്‍ നിരവധി ഇന്ത്യന്‍ ജവാന്മാരാണ് മരിച്ചു വീണതെന്ന കാര്യം മറന്നുകൊണ്ടായിരുന്നു സ്‌കൂളിന്റെ നടപടി. പങ്കജ് ജെയിന്‍ എന്നയാള്‍ രചിച്ച പുസ്തകം ഗായത്രി പബഌക്കേഷന്‍സാണ് പ്രസിദ്ധീകരിച്ചത്. സംഭവത്തില്‍ ജില്ലാ ബാര്‍ അസോസിയേഷന്‍ നഗരസഭാ അധികൃതര്‍ക്ക് പരാതി നല്‍കുകയും ചെയ്തു. ഇതേത്തുടര്‍ന്ന് സ്‌കൂള്‍ പുസ്തകം പിന്‍വലിച്ചു. അതേസമയം, എന്‍സിഇആര്‍ടിയുടെ സിലബസ് അനുസരിച്ചാണ് പുസ്തകം തയാറാക്കിയതെന്നാണ് സ്‌കൂള്‍ അധികൃതര്‍ അറിയിച്ചിരിക്കുന്നത്. സംഭവത്തെ തുടര്‍ന്ന് കളക്ടര്‍ എന്‍.സി.ഇ.ആര്‍.ടിക്ക് കത്തു നല്‍കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha