മോഡിയ്ക്കെതിരെ ആഞ്ഞടിച്ച് രാഹുല്, വോട്ടു ചെയ്ത ജനങ്ങളെ മോഡി വഞ്ചിക്കുകയാണന്ന് രാഹുല് ഗാന്ധി
പ്രധാനമന്ത്രി നരേന്ദ്ര മോഡിക്കെതിരേ രൂക്ഷ വിമര്ശനവുമായി കോണ്ഗ്രസ് ഉപാധ്യക്ഷന് രാഹുല് ഗാന്ധി. ലളിത് മോദി, വ്യാപം അഴിമതി വിവാദങ്ങളില് പ്രധാനമന്ത്രി മൗനം പാലിക്കുകയാണന്ന് രാഹുല് ആരോപിച്ചു. തെരഞ്ഞെടുപ്പില് വോട്ട് ചെയ്ത് ജയിപ്പിച്ച ജനങ്ങളെ മോദി വഞ്ചിക്കുകയാണന്നും രാഹുല് കുറ്റപ്പെടുത്തി. പ്രതിപക്ഷത്തിന്റെ ആവശ്യങ്ങള് സര്ക്കാര് അംഗീകരിക്കുന്നില്ലെന്നും പാര്ലമെന്റിനകത്തെ പ്രതിഷേധങ്ങള്ക്കു ശേഷം മാധ്യമങ്ങളോട് സംസാരിക്കവെ രാഹുല് പറഞ്ഞു.
ഈ രാജ്യത്തെ ജനങ്ങള് സുഷമാ സ്വരാജിനല്ല അവരുടെ വോട്ട് കൊടുത്തത്. പ്രധാനമന്ത്രി മോദിയെ വിശ്വസിക്കാമെന്ന് കരുതിയാണ് അവര് വോട്ട് ചെയ്തത്. എന്നാല് ഇപ്പോള് അദ്ദേഹം എല്ലാ വിഷയങ്ങളിലും നിശബ്ദ്ധത പാലിക്കുകയാണ്. ജനങ്ങള്ക്ക് അവര് ചതിക്കപ്പെട്ടു എന്ന് തോന്നുന്നു. വ്യാപം അഴിമതിയുമായി ബന്ധപ്പെട്ട് ഇതു വരെ നാല്പ്പതിലധികം പേരാണ് മരണമടഞ്ഞത്.
എന്നാല് പ്രധാനമന്ത്രി ഇതേപ്പറ്റി ഒരു വാക്ക് ഉരിയാടിയിട്ടില്ല. അദ്ദേഹം തന്റെ നിശബ്ദ്ധത അവസാനിപ്പിക്കണം.\'\' എന്ന് രാഹുല് പറഞ്ഞു. മുന് ഐ.പി.എല് കമ്മീഷണര് ലളിത് മോഡിയെ സഹായിച്ച സുഷമാ സ്വരാജ് നടത്തിയത് ക്രിമിനല് നടുപടിയാണെന്ന് രാഹുല് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
