അച്ഛന്‍ മകളെ പീഡിപ്പിക്കുന്ന വാര്‍ത്തകള്‍ ഇപ്പോള്‍ നിരന്തരം വന്ന് കൊണ്ടിരിക്കുകയാണ്. എന്നാല്‍, പ്രായപൂര്‍ത്തിയാകാത്ത മകളെ അച്ഛന്‍ ആറു വര്‍ഷം പീഡിപ്പിച്ചു എന്ന വാര്‍ത്ത മുംബൈയെ ഞെട്ടിപ്പിച്ചിരിക്കുകയാണ്. മഹാരാഷ്ട്രയിലെ മുംബൈയിലാണ് മനസാക്ഷിയെ ഞെട്ടിച്ച ഈ സംഭവമുണ്ടായത്.
കത്തിലൂടെയാണ് ഈ വാര്‍ത്ത പുറം ലോകം അറിയാനിടയായത്. വിവരം അറിയാവുന്ന അമ്മ ഒരു പ്രതികരണവും നടത്താറില്ലെന്നും കുട്ടി കത്തില്‍ വെളിപ്പെടുത്തി. പോലീസ് മാതാപിതാക്കള്‍ക്കെതിരേ കേസെടുത്തു. അമ്മയുടെ മുന്നില്‍ വച്ച് അച്ഛന്‍ തന്നെ പീഡിപ്പിച്ചിരുന്നുവെന്നും കുട്ടി പോലീസിനോട് പറഞ്ഞു. കൂടാതെ അമ്മ തനിക്ക് ഗര്‍ഭനിരോധന ഗുളിക നല്കിയിരുന്നുവെന്നും കുട്ടി പോലീസിനോട് പറഞ്ഞു.
ഏഴാം വയസു മുതല്‍ അച്ഛന്‍ തന്നെ ലൈംഗികമായി പീഡിപ്പിക്കുകയാണ്. അമ്മയോട് വിവരം പറഞ്ഞപ്പോള്‍ ഒന്നും പറഞ്ഞില്ലെന്നും സഹായിക്കാന്‍ തയാറായില്ലെന്നുമാണ് കുട്ടി പറഞ്ഞു. കുട്ടിയുടെ സഹോദരിയായ 17 വയസുകാരിയോടും പീഡനവിവരം പറഞ്ഞിരുന്നുവെന്നാണ് പോലീസിന് ലഭിച്ച വിവരം. കുടുംബത്തോടൊപ്പം കഴിയാത്ത ഈ കുട്ടിയെയും പിതാവ് ലൈംഗികമായി ഉപയോഗിച്ചിട്ടുണ്ടെന്ന് പോലീസിന് ബോധ്യമായി.
പോലീസ് മാതാവിനെ ചോദ്യം ചെയ്‌തെങ്കിലും പിതാവിനെതിരേ കുട്ടി ഉന്നയിച്ച ആരോപണങ്ങള്‍ അവര്‍ തള്ളി. പീഡനത്തിനിരയായ കുട്ടിയെ ശിശുക്ഷേമ സമിതിയുടെ ഹോസ്റ്റലിലേയ്ക്ക് മാറ്റിയതായും പോലീസ് പറഞ്ഞു. കേസ് അന്വേഷിക്കുന്നുണ്ടെന്നും പോലീസ് കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha