ബീഹാറിന്റെ വികസനത്തിനായി പ്രധാനമന്ത്രി നരേന്ദ്ര മോദി 2015 മുതല്‍ 2020 വരെ 3.75 ലക്ഷം കോടി രൂപ അനുവദിക്കുമെന്ന് പറഞ്ഞു. ഗ്യാസ് ഗ്രിഡുകളും റോഡുകളുമാണ് പ്രധാനമെന്ന് വ്യക്തമാക്കിയ അദ്ദേഹം എല്ലാ വീടുകളിലും വാതക പൈപ്പ്‌ലൈനുകള്‍ എത്തണമെന്നും അദ്ദേഹം വ്യക്തമാക്കി.
ഇതിന് മുന്പുണ്ടായിരുന്ന ഗവണ്‍മെന്റുകള്‍ കാരണമാണ് ബീഹാറിന് വളരെയധികം ബുദ്ധിമുട്ടുകള്‍ അനുഭവിക്കേണ്ടി വന്നത്. അടിസ്ഥാന സൗകര്യങ്ങള്‍ക്ക് പ്രാധാന്യം കൊടുത്തില്ലെങ്കില്‍ നമ്മള്‍ വളരെ പിന്നിലായി പോകും. രാജ്യം വളരണമെങ്കില്‍ സംസ്ഥാനങ്ങളും വളരണം.ബീഹാറിലെ വിവിധ മേഖലകളില്‍ വികസനം കൊണ്ടുവരണമെന്നും അദ്ദേഹം പറഞ്ഞു.

പട്‌നയില്‍ പുതിയ ഐ.ഐ.ടി കാന്പസിന്റെ ഉദ്ഘാടനം മോദി നിര്‍വഹിച്ചു. എന്‍.ഡി.എ ഗവണ്‍മെന്റിന്റെ പുതിയ പദ്ധതിയായ ദീന്‍ ദയാല്‍ ഉപാദ്ധ്യായ ഗ്രാം ജ്യോതി യോജന അദ്ദേഹം ഉദ്ഘാടനം ചെയ്തു. രാജ്യത്തെ എല്ലാ ഗ്രാമീണ ഭവനങ്ങളിലും 2022നുള്ളില്‍ തടസ്സമില്ലാതെ വൈദ്യുതി എത്തിക്കാനാണ് ഈ പദ്ധതിയിലൂടെ കേന്ദ്രം ലക്ഷ്യമിടുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha