പൃഥ്വിരാജ് ഉള്പ്പടെയുള്ള മലയാള ചലച്ചിത്ര താരങ്ങളെ തമിഴ് സിനിമയില് അഭിയിപ്പിക്കരുത്! മുല്ലപ്പെരിയാര് വിവാദം കനക്കുന്നു... തമിഴ്നാട് കത്തുന്നു! നടന്റെ കോലം കത്തിച്ച് വന്പ്രതിഷേധം! കാര്യങ്ങൾ കൈവിട്ടു... നടനെതിരെ പോലീസില് പരാതി
മുല്ലപ്പെരിയാര് ഡാം പൊളിച്ചുകളയണമെന്നാവശ്യപ്പെട്ട് നടനും സംവിധായകനും നിര്മാതാവുമായ പൃഥ്വിരാജ് കഴിഞ്ഞ ദിവസമാണ് രംഗത്ത് വന്നത്. വസ്തുതകളും കണ്ടെത്തലുകളും എന്താണെങ്കിലും 125 വര്ഷം പഴക്കമുള്ള അണക്കെട്ട് ഇപ്പോഴും നിലനില്ക്കുന്നതിന് ഒരു കാരണമോ ഒഴികഴിവോ അല്ല.
രാഷ്ട്രീയവും സാമ്പത്തികവുമായ കാരണങ്ങള് മാറ്റിവെച്ച് ശരിയായത് ചെയ്യേണ്ട സമയമാണിത്. നമുക്ക് ഈ സംവിധാനത്തില് മാത്രമേ വിശ്വസിക്കാനേ കഴിയൂ. സിസ്റ്റം ശരിയായ തീരുമാനം എടുക്കുമെന്ന് നമുക്ക് പ്രാര്ത്ഥിക്കാം എന്നുമായിരുന്നു പൃഥ്വിരാജ് കുറിച്ചത്. മുല്ലപ്പെരിയാര് അണക്കെട്ട് പൊട്ടിയാലുണ്ടാകുന്ന അപകടം ബോധ്യപ്പെടുത്തുന്ന ചിത്രത്തോടൊപ്പമായിരുന്നു പോസ്റ്റ്. പൃഥ്വിരാജിന്റെ പോസ്റ്റിനെ അനുകൂലിച്ച് നിരവധിപേര് എത്തിയിരുന്നു.
125 വര്ഷം പിന്നിട്ടു നില്ക്കുന്ന അണക്കെട്ട് പരിധിയില് കവിഞ്ഞ് നിറഞ്ഞാല് ഏതുനിമിഷവും കേരളത്തിലെ അഞ്ച് ജില്ലകള്ക്ക് മേല് ദുരന്തം വിതയ്ക്കാമെന്ന സ്ഥിതിയിലാണ്. എന്നാല് തമിഴ്നാടിനു യാതൊരു കുലുക്കവും ഇല്ലെന്നു മാത്രമല്ല ജല നിരപ്പ് താഴ്ത്താന് പോലും തയ്യാറല്ല. മുല്ലപ്പെരിയാര് ഇന്ത്യയില് അപകടാവസ്ഥയിലുള്ള ഏക അണക്കെട്ടാണെന്ന തരത്തില് യുഎന് റിപ്പോര്ട്ട് വന്നതോടെയാണ് വിഷയം വീണ്ടും ചര്ച്ചയായത്.
എന്നാൽ മുല്ലപ്പെരിയാര് ഡാം പൊളിച്ചുപണിയണമെന്ന നടന് പൃഥ്വിരാജിന്റെ പ്രസ്താവനയ്ക്കെതിരെ തമിഴ്നാട്ടില് വന് പ്രതിഷേധം ഉയരുകയാണ്. തിങ്കളാഴ്ച തേനി ജില്ലാ കലക്ടറേറ്റിന് മുന്നില് അഖിലേന്ത്യ ഫോര്വേഡ് ബ്ലോക്ക് പ്രവര്ത്തകരാണ് പൃഥ്വിരാജിന്റെ കോലം കത്തിച്ചത്. സുപ്രീം കോടതി വിധിയെ വെല്ലുവിളിച്ച് തെറ്റിദ്ധാരണജനകമായ പ്രസ്താവനയാണ് പൃഥ്വിരാജ് നടത്തിയതെന്നും താരത്തിനെതിരെ കേസെടുക്കണമെന്നും ആവശ്യപ്പെട്ട് കലക്ടര്ക്കും എസ്.പിക്കും പരാതി നല്കിയെന്നും സംഘടന ജില്ല സെക്രട്ടറി എസ്. ആര് ചക്രവര്ത്തി പറഞ്ഞു.
പൃഥ്വിരാജ് ഉള്പ്പടെയുള്ള മലയാള ചലച്ചിത്ര താരങ്ങളെ തമിഴ് സിനിമയില് അഭിയിപ്പിക്കരുതെന്ന് തമിഴക വാഴ്വുരിമൈ കക്ഷി നേതാവും എം.എല്.എയുമായ വേല്മുരുകന് പറഞ്ഞു. ഇക്കാര്യത്തില് തമിഴ് പ്രൊഡ്യൂസേഴ്സ് അസോസിയേഷന് നിലപാട് എടുക്കണമെന്നും വേല്മുരുകന് ആവശ്യപ്പെട്ടു.
അതേസമയം മുല്ലപ്പെരിയാറില് പുതിയ ഡാം വേണമെന്നാണ് കേരളത്തിന്റെ നിലപാട്. ആ നിലപാടിൽ ഉറച്ച് നിൽക്കുന്നുവെന്നും തമിഴ്നാടുമായുള്ള വിഷയം ചർച്ചയിലൂടെ പരിഹരിക്കുമെന്നുമാണ് പിണറായി വ്യക്തമാക്കുന്നത്.
https://www.facebook.com/Malayalivartha