കേന്ദ്രത്തിന്റെ പുതിയ പരീക്ഷണം. ഇന്ത്യക്കു പുതിയ സാധ്യതകള്‍ തുറന്നിട്ട് \'സ്വദേശി ഡീസല്‍\' വില്‍പ്പനയ്‌ക്കെത്തി. ബയോഡീസല്‍ എന്ന ആശയം പ്രാവര്‍ത്തികമാക്കിയത് ഡീസലിനൊപ്പം ഭക്ഷ്യേതര എണ്ണകൂടി കലര്‍ത്തിയാണ്. ബയോ ഡീസല്‍ വില്‍പ്പന പ്രോത്സാഹിപ്പിക്കുന്നതിലൂടെ കര്‍ഷകര്‍ക്ക് അധിക വരുമാന മാര്‍ഗം കണ്ടെത്തുക എന്ന ലക്ഷ്യവും കേന്ദ്ര സര്‍ക്കാരിനുണ്ട്. അസംസ്‌കൃത എണ്ണ ഇറക്കുമതി കുറയ്ക്കുക, കാര്‍ബണ്‍ മലിനീകരണം നിയന്ത്രിക്കുക തുടങ്ങിയ ലക്ഷ്യങ്ങളോടെയാണു കേന്ദ്ര പെട്രോളിയം മന്ത്രാലയം പുതിയ സംവിധാനം ഒരുക്കുന്നത്.
ബി ഫൈവ് എന്ന പേരിലാണ് സ്വദേശി ഡീസല്‍ വില്‍ക്കുന്നത്. എണ്ണപ്പനയില്‍ നിന്നുള്ള എണ്ണ കലര്‍ത്തിയ ഈ ഉല്‍പ്പന്നം ആദ്യ ഘട്ടത്തില്‍ ഡല്‍ഹി, വിശാഖപട്ടണം, വിജയവാഡ, ഹാല്‍ദിയ നഗരങ്ങളില്‍ ലഭ്യമാകും. ഘട്ടംഘട്ടമായി രാജ്യവ്യാപകമായി ബയോ ഡീസല്‍ വില്‍ക്കുമെന്നു കേന്ദ്ര പെട്രോളിയം മന്ത്രി ധര്‍മേന്ദ്ര പ്രധാന്‍ അറിയിച്ചു. ബയോ ഡീസല്‍ ലഭ്യതയിലെ പരിമിതികള്‍ വിപണനം വ്യാപിപ്പിക്കുന്നതില്‍ തടസമാകുന്നുണ്ടെന്നും മന്ത്രി അറിയിച്ചു.
മലിനീകരണ നിയന്ത്രണത്തിനൊപ്പം അസംസ്‌കൃത എണ്ണ ഇറക്കുമതിക്കുള്ള ഭീമമായ ചെലവ് കുറയ്ക്കാനും ബയോ ഡീസല്‍ ഉപയോഗം സഹായിക്കും. രാജ്യത്ത് ആവശ്യമുള്ള ഇന്ധനത്തിന്റെ 80 ശതമാനവും ഇന്ത്യ ഇറക്കുമതി ചെയ്യുകയാണ്. റയില്‍വേ, പ്രതിരോധ വകുപ്പ്, സംസ്ഥാന റോഡ് ട്രാന്‍സ്‌പോര്‍ട്ട് കോര്‍പറേഷന്‍ തുടങ്ങിയ വന്‍കിട ഉപയോക്താക്കളോടും ബയോ ഡീസലിലേക്കു മാറാന്‍ കേന്ദ്ര സര്‍ക്കാര്‍ നിര്‍ദ്ദേശിച്ചിട്ടുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha