പ്രധാനമന്ത്രി നരേന്ദ്ര മോഡിക്ക് പരവതാനി വിരിക്കുന്നത് പാക്കിസ്ഥാനികള്‍. ദുബായ് സ്‌പോര്‍ട്‌സ് സിറ്റിയില്‍ പാര്‍ട്‌സ് സിറ്റിയിലെ ക്രിക്കറ്റ് സ്‌റ്റേഡിയത്തിലാണ് പരവതാനി വിരിക്കുന്നത്. അമ്പതോളം പാക്കിസ്ഥാനികളാണ് ഈ ജോലിയിലേര്‍പ്പെടുന്നത്. സ്‌റ്റേഡിയത്തിലെ പച്ചപ്പുല്ലിന് മുകളിലായാണ് കാര്‍പെറ്റ് വിരിക്കുന്നത്. ഈ പ്രവൃത്തി ഏതാണ്ട് പൂര്‍ത്തിയായി. ഇപ്പോള്‍ മിനുക്കു പണികള്‍ നടത്തിവരികയാണ്. യുഎഇ സന്ദര്‍ശനത്തിനായി ഞായറാഴ്ച യുഎഇ തലസ്ഥാനമായ അബുദാബിയിലെത്തുന്ന മോദി തിങ്കളാഴ്ച വൈകിട്ട് എട്ടരയ്ക്കാണ് ദുബായ് സ്‌പോര്‍ട്‌സ് സിറ്റിയിലെ ക്രിക്കറ്റ് സ്‌റ്റേഡിയത്തില്‍ ഇന്ത്യന്‍ കമ്യൂണിറ്റി വെല്‍ഫെയര്‍ കമ്മിറ്റിയുടെ നേതൃത്വത്തില്‍ ഇന്ത്യന്‍ പ്രവാസി സമൂഹം നല്‍കുന്ന സ്വീകരണത്തില്‍ പങ്കെടുക്കുക. മോഡിയെ ഒരു നോക്ക് കാണാനും കേള്‍ക്കാനും അരലക്ഷത്തിലേറെ പേരെത്തുമെന്നാണ് പ്രതീക്ഷിക്കുന്നത്. 
ഇന്ത്യന്‍ പ്രധാനമന്ത്രി യുഎഇയിലെത്തുന്നു എന്ന് മാത്രമേ ഇവരില്‍ ഭൂരിഭാഗം പാകിസ്ഥാന്‍ തൊഴിലാളികള്‍ക്കും അറിയുകയുള്ളൂ. വിശദാംശങ്ങള്‍ അറിയാവുന്നരാണെങ്കില്‍, തങ്ങളുടെ ദൈനംദിന ജോലി ചെയ്യുന്നു എന്ന് മാത്രമേ ചിന്തിക്കുന്നുള്ളൂ. മോഡി അല്ല മറ്റാരാണെങ്കിലും ഞങ്ങള്‍ക്ക് ജോലി ചെയ്‌തേ പറ്റൂ എന്ന് അവര്‍ പറയുന്നു. ഭൂരിപക്ഷത്തോടെ വിജയിച്ച മോഡി സര്‍ക്കാരാണ് ഇന്ത്യ ഭരിക്കുന്നതെന്നറിയാം. ഇന്ത്യക്കാരായ ഒട്ടേറെ നല്ല സുഹൃത്തുക്കളുമുണ്ട്. 
ചില വിഷയങ്ങളില്‍ ബിജെപി രാജ്യത്ത് വിഭാഗീയത കാണിക്കുന്നുണ്ടെങ്കിലും മോഡിയുടെ യുഎഇ സന്ദര്‍ശന കാര്യത്തില്‍ പ്രവാസി സമൂഹം അഭിപ്രായ ഭിന്നതകള്‍ മാറ്റിവയ്ക്കുന്നത് സന്തോഷകരം തന്നെയെന്നും അവര്‍ പറഞ്ഞു. 
ഒരു മണിക്കൂര്‍ നീണ്ടുനില്‍ക്കുന്ന പരിപാടിയില്‍ ഇന്ത്യയില്‍ നിന്നുള്ള 35 കലാകാരന്മാര്‍ക്കു പുറമേ യുഎഇയില്‍ നിന്നുള്ളവരും പങ്കെടുക്കും. സമ്മേളനസ്ഥലത്തേക്ക് സമീപമുള്ള മെട്രോ സ്‌റ്റേഷനുകളില്‍ നിന്ന് ബസ് സൗകര്യം ഉണ്ടായിരിക്കും. 200 ബസുകള്‍ അങ്ങോട്ടുമിങ്ങോട്ടും സര്‍വീസ് നടത്തും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha