അന്തരിച്ച രാഷ്ട്രപതി പ്രണാബ് മുഖര്‍ജിയുടെ ഭാര്യ സുവ്‌റ മുഖര്‍ജിയുടെ സംസ്‌കാരം നടത്തി. ലോധി റോഡിലെ ശ്മശാനത്തിലായിരുന്നു സംസ്‌കാര ചടങ്ങുകള്‍ നടന്നത്. പ്രധാനമന്ത്രി നരേന്ദ്ര മോദി, ബംഗ്ലാദേശ് പ്രസിഡന്റ് അബ്ദുള്‍ ഹമീദ്, ബംഗ്ലാദേശ് പ്രധാനമന്ത്രി ഷെയ്ഖ് ഹസീന, കോണ്‍ഗ്രസ് അധ്യക്ഷ സോണിയ ഗാന്ധി, മുന്‍ പ്രധാനമന്ത്രി മന്‍മോഹന്‍ സിംഗ്, ബിജെപി നേതാവ് എല്‍.കെ.അഡ്വാനി, ഡല്‍ഹി മുഖ്യമന്ത്രി അരവിന്ദ് കേജരിവാള്‍, ഡല്‍ഹി ലഫ്.ഗവര്‍ണര്‍ നജീബ് ജംഗ്, പശ്ചിമ ബംഗാള്‍ മുഖ്യമന്ത്രി മമത ബാനര്‍ജി തുടങ്ങി നിരവധി പേര്‍ സംസ്‌കാര ചടങ്ങില്‍ പങ്കെടുത്തു. ദീര്‍ഘനാളായി രോഗബാധിതയായിരുന്ന സുവ്‌റ ഇന്നലെ രാവിലെ 10.30നു ഡല്‍ഹിയിലെ സൈനിക ആശുപത്രിയിലായിരുന്നു മരിച്ചത്. ആദ്യം രാഷ്ട്രപതി ഭവനിലും പിന്നീട് മകന്‍ അഭിജിത് മുഖര്‍ജിയുടെ വസതിയായ 13, തല്‍ക്കത്തോറയിലും മൃതദേഹം പൊതുദര്‍ശനത്തിനു വച്ചിരുന്നു. സംസ്‌കാര ചടങ്ങുകളോട് അനുബന്ധിച്ച് ലോധി റോഡിലെ ശ്മശാനത്തിനു സമീപം കനത്ത സുരക്ഷ പോലീസ് ഏര്‍പ്പെടുത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha