ഇന്ത്യന്‍ റെയില്‍വേ സര്‍വീസ് ഓഫീസര്‍ ഇനി എയര്‍ ഇന്ത്യയെ നയിക്കും. 1980 ബാച്ച് ഐ.ആര്‍.എസ് ഓഫീസര്‍ അശ്വനി ലൊഹാനിയായിരിക്കും പുതിയ എയര്‍ ഇന്ത്യ മേധാവി. നിലവില്‍ മധ്യപ്രദേശ് ടൂറിസം വികസന കോര്‍പറേഷന്‍ എം.ഡിയാണ് ലൊഹാനി. നിലവിലെ മേധാവി രോഹിത് നന്ദന്റെ കാലാവധി ഇന്ന് അവസാനിക്കവേയാണ് പുതിയ മേധാവിയുടെ നിയമനം. മൂന്നു വര്‍ഷം സര്‍വീസ് പിന്നിട്ട നന്ദനെ പുതിയ മേധാവിയെ കണ്ടെത്താന്‍ കഴിയാത്തതിനാല്‍ ഒരു വര്‍ഷം കൂടി സര്‍വീസ് നീട്ടി നല്‍കുകയായിരുന്നു.

എന്നാല്‍ സെക്രട്ടറിയായി ഒരു മാസം കൂടി നന്ദന് സര്‍വീസ് നീട്ടി നല്‍കിയേക്കുമെന്നും ലൊഹാനി അടുത്ത മാസം മാത്രമേ ചുമതലയേല്‍ക്കുവെന്നും സൂചനയുണ്ട്. മെക്കാനിക്കല്‍ എഞ്ചിനീയര്‍ കൂടിയാണ് ലൊഹാനി. ഇന്ത്യന്‍ സ്റ്റീം റെയില്‍വേ സൊസൈറ്റി സ്ഥാപക അംഗവും സി.ഐ.ഐ ടൂറിസം നാഷണല്‍ കൗണ്‍സില്‍ അംഗവുമാണ്.

ഇന്ത്യന്‍ മ്യൂസിയം അസോസിയേഷന്‍, ഇന്‍സ്റ്റിറ്റിയൂട്ട് ഓഫ് റോളിംഗ് സ്‌റ്റോക്ക് എഞ്ചിനീയറിംഗ് എന്നിവയില്‍ ആജീവനാന്ത അംഗവുമാണ്. രണ്ട് പുസ്തകങ്ങളും ലൊഹാനി രചിച്ചിട്ടുണ്ട്. \'വിന്നിംഗ് അറ്റ് വര്‍ക്ക് എഗെയ്ന്‍സ്റ്റ് ഓള്‍ ഓഡ്‌സ്\', സ്‌മോക്കിംഗ് ബ്യൂട്ടീസ്\' എന്നിവ 2004 മാര്‍ച്ചിലാണ് പ്രസിദ്ധീകരിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha