തന്റെ ലെറ്റര്‍ ഹെഡില്‍ അക്ഷരത്തെറ്റ് വന്നതിനെ തുടര്‍ന്ന് കേന്ദ്ര മാനവശേഷി മന്ത്രി സ്മൃതി ഇറാനി മന്ത്രാലയ ഉദ്യോഗസ്ഥരോട് വിശദീകരണം ആവശ്യപ്പെട്ടു. മന്ത്രിയുടെ പേരില്‍ അയയ്ക്കുന്ന എഴുത്തിന്റെ മേല്‍ഭാഗത്ത് മന്ത്രിയുടെ വിലാസവും പദവിയും രേഖപ്പെടുത്തിയിരിക്കുന്ന സ്ഥലത്താണ് അക്ഷരത്തെറ്റ് കണ്ടെത്തിയത്.

ലെറ്റര്‍ ഹെഡില്‍ മിനിസ്റ്റര്‍ എന്നെഴുതിയിരിക്കുന്നതിലും സന്‍സധന്‍ (റിസോഴ്‌സസ്) എന്നെഴുതിയിരിക്കുന്നതിലുമാണ് അക്ഷരത്തെറ്റ് വന്നത്. പരീക്ഷയില്‍ ഉജ്ജ്വല വിജയം നേടിയ വിദ്യാര്‍ത്ഥികളുടെ പ്രകടനത്തിന് കാരണക്കാരായ അധ്യാപകരെ അഭിനന്ദിച്ച് മന്ത്രി അയച്ച കത്തിലാണ് അക്ഷരത്തെറ്റ് വന്നത്. തെറ്റ് കണ്ടുപിടിച്ച അദ്ധ്യാപകരില്‍ ഒരാള്‍ കത്ത് ട്വിറ്ററില്‍ പോസ്റ്റ് ചെയ്തതോടെയാണ് സംഭവം പുറത്തുവന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha