പ്രധാനമന്ത്രി നരേന്ദ്ര മോഡിക്ക് മകളുണ്ടോ? ഈ ചോദ്യത്തിനുള്ള ഉത്തരമാണ് ബോളിവുഡ് നടി അവാനി മോഡി രണ്ട് ദിവസങ്ങള്‍ക്ക് മുമ്പ് നല്‍കിയത്. മോഡിയ്ക്ക് ഭാര്യ ഉണ്ടായിരുന്നു എന്നത് വസ്തുത. എന്നാല്‍, മോഡിയ്ക്ക് മകള്‍ ഉണ്ടെന്ന് അറിഞ്ഞാല്‍ ആര് വിശ്വാസിക്കാന്‍. മോഡിയ്ക്ക് ഭാര്യ ഉണ്ടെന്ന് കാര്യം മോഡി തന്നെ തുറന്ന് പറഞ്ഞു. എന്നാല്‍ അവരെ വിവാഹത്തിന് അല്‍പനാളുകള്‍ക്കുശേഷം മോഡി അവരെ അവരുടെ വീട്ടിലേക്ക് പറഞ്ഞയക്കുകയായിരുന്നു.

മോഡിയുടെ മകളാണെന്ന് അവകാശവാദവുമായാണ് ബോളിവുഡ് നടിയും മോഡലുമായ അവാനി മോഡി വ്യക്തമാക്കുന്നത്. പരസ്യ മോഡലുകളുടെ കഥപറയുന്ന കലണ്ടര്‍ ഗേള്‍സ് എന്ന സിനിമയിലെ പ്രധാന നടിയായ ഗുജറാത്തി മോഡല്‍ അവാനി മോഡിയാണ് ഇത്തരമൊരു അവകാശവാദം ഉന്നയിച്ചത്. നവഭാരത് ടൈംസിനു നല്‍കിയ ഒരു അഭിമുഖത്തില്‍ സംസാരിക്കുകയായിരുന്നു നടി.

ഗുജറാത്തില്‍ നിന്നുള്ള നടി, പേരിന്റെ ഒടുവില്‍ മോഡി, ഇവയൊക്കെ കാണുമ്പോള്‍ ആരെങ്കിലും മോഡിയുടെ ബന്ധുവാണെന്ന് സംശയിച്ചു പോവുക സാധാരണമാണ്. അങ്ങിനെ ആരെങ്കിലും ചോദിച്ചാല്‍ എന്തായിരിക്കും മറുപടി നല്‍കുക എന്ന ചോദ്യത്തിന് താന്‍ മോഡിയുടെ മകളാണെന്ന് മറുപടി പറയുമെന്ന് നടി പറഞ്ഞു. മോഡിയുടെ മകളാണെന്ന് പറയാനാണ് തനിക്കിഷ്ടം. അദ്ദേഹത്തെ കാണുമ്പോള്‍ ഒരു നല്ല പിതാവിന്റെ മുഖമാണ്. ഏതൊരു ഇന്ത്യന്‍ പെണ്‍കുട്ടിയേയും പോലെ മോഡിയുടെ മകളാണെന്ന് പറയാന്‍ തനിക്കും കഴിയുമെന്ന് അവാനി പറഞ്ഞു. മധുര്‍ ഭണ്ഡാര്‍ക്കര്‍ സംവിധാനം ചെയ്ത കലണ്ടര്‍ ഗേള്‍സ് ഗ്ലാമര്‍ പ്രദര്‍ശനത്തിന്റെ പേരില്‍ ഇതിനകം തന്നെ ശ്രദ്ധേയമായിട്ടുണ്ട്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha