പട്ടേല് സമര നായകന് ഹാര്ദിക് പട്ടേല് അറസ്റ്റില്
പിന്നാക്ക വിഭാഗ(ഒ.ബി.സി)സംവരണം ആവശ്യപ്പെട്ട് ഗുജറാത്തില് പട്ടേല് സമുദായക്കാര് നടത്തുന്ന സമരത്തിന് നേതൃത്വം കൊടുക്കുന്ന പത്തീധര് അര്ക്ഷന് ആന്ദോളന് സമിതി നേതാവ് ഹാര്ദിക് പട്ടേലിനെ അറസ്റ്റ് ചെയ്തു. ദണ്ഡിയില് നിന്ന് അഹമ്മദാബാദിലേക്ക് റിവേഴ്സ് ദണ്ഡി മാര്ച്ച് എന്ന പേരില് മാര്ച്ച് നടത്താനൊരുങ്ങിയതിനെത്തുടര്ന്നാണ് അറസ്റ്റ്. ഹാര്ദികിനൊപ്പം മറ്റ് 50 പേരും അറസ്റ്റിലായിട്ടുണ്ട്. റാലിക്ക് അനുമതിയില്ലാത്തതിനാലാണ് അറസ്റ്റെന്ന് പോലീസ് അറിയിച്ചു. പ്രക്ഷോഭത്തിന്റെ രണ്ടാംഘട്ടമെന്ന നിലയിലാണ് റിവേഴ്സ് ദണ്ഡി മാര്ച്ചിന് പട്ടേല് സമുദായം ആഹ്വാനം ചെയ്തത്. \'റിവേഴ്സ് ദണ്ഡി മാര്ച്ചി\'ന് ജില്ലാ കളക്ടര് രമ്യമോഹന് അനുമതി നിഷേധിച്ചിരുന്നു. ദണ്ഡിയില് നിന്ന് അഹമ്മദാബാദിലെ സബര്മതി ആശ്രമംവരെയുള്ള 300 കിലോമീറ്റര് ദൂരം പദയാത്ര നടത്താനുള്ള നീക്കമാണ് ഗുജറാത്ത് സര്ക്കാറിന്റെ നിര്ദേശാനുസരണം തടഞ്ഞത്. കലാപത്തിനും പത്തുപേരുടെ മരണത്തിനും ഇടവരുത്തിയ സംവരണ പ്രക്ഷോഭത്തിന്റെ രണ്ടാംഘട്ടമായാണ് പദയാത്ര നടത്താനിരുന്നത്. ഇതും അക്രമത്തില് കലാശിക്കുമെന്ന ഇന്റലിജന്സ് റിപ്പോര്ട്ടുകളുടെ അടിസ്ഥാനത്തിലാണ് നിരോധനം. വിദ്യാഭ്യാസത്തിനും ജോലിക്കും സംവരണം ആവശ്യപ്പെട്ട് പത്തീധര് അര്ക്ഷന് ആന്ദോളന് സമിതിയുടെ നേതൃത്വത്തില് പട്ടേല് സമുദായം ഗുജറാത്തില് സമരത്തിലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
