കാശ്മീര്‍ ഒരിക്കലും പാകിസ്ഥാന്റെ ഭാഗമാകില്ലെന്ന് നാഷണല്‍ കോണ്‍ഫറന്‍സ് നേതാവും മുന്‍ ജമ്മു കാശ്മീര്‍ മുഖ്യമന്ത്രിയുമായിരുന്ന ഫറൂഖ് അബ്ദുള്ള. ഇന്ത്യയേയും പാകിസ്ഥാനേയും സംബന്ധിച്ച് കാശ്മീര്‍ വളരെ പ്രധാന അജണ്ടയാണെന്ന് പറഞ്ഞ അദ്ദേഹം മുന്നോട്ട് നീങ്ങാനുള്ള മികച്ച മാര്‍ഗം ചര്‍ച്ചകളാണെന്ന് വ്യക്തമാക്കി. മുന്‍ റിസര്‍ച്ച് ആന്റ് അനാലിസിസ് തലവന്‍ എ.എസ് ദുലത്തിനൊപ്പം ജമ്മു കാശ്മീരിനെപ്പറ്റി ഒരു ടെലിവിഷന്‍ പരിപാടിയില്‍ സംസാരിക്കവെയാണ് അദ്ദേഹം ഇക്കാര്യം പറഞ്ഞത്.

\'ഫറൂഖ് അബ്ദുള്ള ജീവിച്ചിരുന്നാലും മരിച്ചാലും സത്യമിതാണ്. കാശ്മീര്‍ ഒരിക്കലും പാകിസ്ഥാന് ലഭിക്കില്ല. അവര്‍ ആകാശത്തിന് മുകളില്‍ കയറി നിന്ന് ശ്രമിച്ചാലും അത് കിട്ടില്ല. ഇനി വരാനിരിക്കുന്ന നിരവധി നൂറ്റാണ്ടുകളിലും അതൊരിക്കലും സംഭവിക്കില്ല. അതിനാല്‍ യാതൊന്നും നേടാനാകാത്ത ഒന്നിനായി എന്തിനാണ് ഇത്രയും പ്രശ്‌നമുണ്ടാക്കുന്നത്. എന്ത് കൊണ്ടാണ് ഇരു വശത്തും മരിക്കുന്നത് മുസ്ലീങ്ങളാണെന്ന് അവര്‍ മനസിലാക്കാത്തത്.

അവര്‍ ഇവിടെ ബോംബ് ചെയ്യുന്നു, നമ്മള്‍ തിരികെയും. അവിടെ മരിക്കുന്നത് നിഷ്‌കളങ്കരായ ജനങ്ങളാണ്. യുദ്ധമുണ്ടാകുമെന്ന ഭീഷണിയോ ആറ്റം ബോംബിന്റേയോ അണുആയുധത്തിന്റേയോ ഉപയോഗമോപ്രശ്‌നം പരിഹരിക്കില്ല. ഒരു തീരുമാനത്തിലെത്താനായി നാം വഴികള്‍ കണ്ടെത്തുകയാണ് വേണ്ടത്. പാകിസ്ഥാനിലും ഇന്ത്യയിലും ഒരേ പോലെ തോക്കുകളും, ഹെലികോപ്ടറുകളും സൈനിക ഉപകരണങ്ങളും വില്‍ക്കുന്ന അമേരിക്ക നമ്മളെ സഹായിക്കില്ല. നമ്മള്‍ പരസ്പരം കൊന്നൊടുമ്പോള്‍ അവര്‍ പണം നേടുകയാണെന്നും അദ്ദേഹം പറഞ്ഞു.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha