ഒഡീഷയില്‍ ട്രക്ക് അപകടത്തില്‍പ്പെട്ട് ഒമ്പത് കബഡി താരങ്ങള്‍ മരിച്ചു. 15 പേര്‍ക്കു പരുക്കു പറ്റി. അഭിരാം കലോ, ധരന്ദിയര്‍ നായക്, ചന്ദ്രശേഖര്‍ പര്‍ഥാന്‍, ഉമേഷ് കിസന്‍, ഗൗരി ചന്ദ്ര കിസാന്‍, എന്നിവരാണ് മരിച്ചവര്‍. രണ്ടു പേരെ തിരിച്ചറിഞ്ഞിട്ടില്ല. താരങ്ങള്‍ സഞ്ചരിച്ച മിനിട്രക്ക് പാലത്തില്‍ നിന്നും താഴെ വീഴുകയായിരുന്നു. ഒഡീഷയിലെ സുന്തര്‍ഗഡ് ജില്ലയിലെ ബറായി മേഖലയിലാണ് അപകടം.
താരങ്ങള്‍ മല്‍സരം കഴിഞ്ഞ് മടങ്ങി വരുമ്പോഴായിരുന്നു അപകടം സംഭവിച്ചത്. ഏഴുപേര്‍ സംഭവ സ്ഥലത്ത് വച്ചും രണ്ടു പേര്‍ ആശുപത്രിയില്‍ വച്ചുമാണ് മരിച്ചത്. അപകടം കണ്ട നാട്ടുകാരാണ് രക്ഷാപ്രവര്‍ത്തനത്തിന് നേതൃത്വം നല്‍കിയത്. പരുക്കേറ്റവരെ അടുത്ത ആശുപത്രിയിലേക്ക് മാറ്റി. മരിച്ചവരുടെ ബന്ധുക്കള്‍ക്ക് മുഖ്യമന്ത്രി നവീന്‍ പട്‌നായിക്ക് അടിയന്തിര സഹായമായി ഒരു ലക്ഷം രൂപ അനുവദിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha