ഊര്ജ്ജോപഭോഗം കുറയ്ക്കുവാന് എല്.ഇ.ഡി. ബള്ബുകള് സബ്സിഡി നിരക്കില് നല്കാന് കേന്ദ്രപദ്ധതി
ഊര്ജോപഭോഗം കുറയ്ക്കുന്നതിനായുള്ള കേന്ദ്രസര്ക്കാര് പദ്ധതിയുടെ ഭാഗമായി എല്.ഇ.ഡി. ബള്ബുകള് സബ്സിഡി നിരക്കില് നല്കും. വൈദ്യുതി ബില്ലിനൊപ്പം മാസതവണയായി മാത്രം ബള്ബിന്റെ പണം അടച്ചാല് മതി. മൂന്നുവര്ഷത്തിനകം 70 കോടി എല്.ഇ.ഡി. ബള്ബുകള് വിതരണം ചെയ്യാനാണ് കേന്ദ്രസര്ക്കാര് പദ്ധതി. ഒരു കോടി തെരുവുവിളക്കുകള് എല്.ഇ.ഡി.യാക്കി മാറ്റുകയുംചെയ്യും. പദ്ധതിക്ക് കഴിഞ്ഞ ജനവരിയില് പ്രധാനമന്ത്രി നരേന്ദ്രമോദി തുടക്കംകുറിച്ചിരുന്നു.
വൈദ്യുതി പാഴാക്കാതിരിക്കുന്നതിനൊപ്പം ഉപഭോക്താക്കള്ക്ക് പണലാഭവും നല്കുന്ന പദ്ധതിയാണ് ഊര്ജവകുപ്പ് തയ്യാറാക്കിയിരിക്കുന്നത്. രണ്ടു മാസവും ഒമ്പതുദിവസവുംകൊണ്ട് പദ്ധതി പൂര്ത്തിയാക്കും. .
ഊര്ജോപഭോഗം 50 വരെ കുറയ്ക്കാന് പദ്ധതിയിലൂടെ കഴിയും. വര്ഷം 2500 കോടി കിലോവാട്ട് യൂണിറ്റ് വൈദ്യുതി ലാഭിക്കാനും സാധിക്കും. എന്നാല്, എത്രയാണ് ബള്ബിനുള്ള കേന്ദ്രസബ്സിഡിയെന്ന് ഊര്ജമന്ത്രാലയം വ്യക്തമാക്കിയിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
