തെലങ്കാനയുടെ വിവിധ ഭാഗങ്ങളില്‍ ഇന്നലെ 13 കര്‍ഷകര്‍ ആത്മഹത്യ ചെയ്തതായി റിപ്പോര്‍ട്ട്. ഒരു ദിവസം രാജ്യത്തുണ്ടാകുന്ന ഏറ്റവും കൂടിയ കര്‍ഷക ആത്മഹത്യാ നിരക്കാണിത്. 13ല്‍ നാല് കര്‍ഷകര്‍ ആത്മഹത്യ ചെയ്തിരിക്കുന്നത് വാറങ്കല്‍ ജില്ലയിലാണ്. തെലങ്കാനയിലെ അഞ്ച് ജില്ലകളില്‍ നിന്നുമായാണ് 13 കര്‍ഷക ആത്മഹത്യകള്‍ റിപ്പോര്‍ട്ട് ചെയ്തത്. കര്‍ഷക ആത്മഹത്യകളെ കുറിച്ച് സര്‍ക്കാര്‍ അന്വേഷണം നടത്തുമെന്നും കര്‍ഷകര്‍ക്ക് ജില്ലാ ഭരണകൂടങ്ങളുടെ സഹായം തേടാമെന്നും സംസ്ഥാന ജലവിഭവ വകുപ്പ് മന്ത്രി ടി ഹരീഷ് റാവു വ്യക്തമാക്കി. ശക്തമായ മഴ സംസ്ഥാനത്തിന്റെ പല ഭാഗങ്ങളിലും വിളകള്‍ നശിപ്പിച്ചിരുന്നു. കര്‍ഷകര്‍ക്കുള്ള ധനസഹായം ഒന്നര ലക്ഷം രൂപയില്‍ നിന്ന് ആറ് ലക്ഷം രൂപയാക്കി വര്‍ദ്ധിപ്പിക്കുമെന്ന് നേരത്തെ തെലങ്കാന സര്‍ക്കാര്‍ പ്രഖ്യാപിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha