മലിനീകരണ നിയന്ത്രണത്തിന്റേയും ഗതാഗതകുരുക്ക് ഒഴിവാക്കുന്നതിന്റേയും ഭാഗമായി ഡല്ഹിയിലെ ജനങ്ങള് ചൊവ്വാഴ്ചകള് ഇനി കാര് ഉപേക്ഷിക്കുന്നു
ഡല്ഹിയില് ഇനി കാര് ഇല്ലാ ചൊവ്വകളായിരിക്കും. ചൊവ്വാഴ്ചകള് \'കാര് ഫ്രീ ഡേ\' ആയി ആചരിക്കാനാണ് ഡല്ഹിക്കാരുടെ തീരുമാനം.അതായത് ചൊവ്വാഴ്ചകളില് ആരും കാറുകള് പുറത്തിറക്കില്ല. മലിനീകരണ നിയന്ത്രണത്തിന്റെയും ഗതാഗതക്കുരുക്ക് ഒഴിവാക്കുന്നതിന്റെയും ഭാഗമായി ചൊവ്വാഴ്ചകളില് കാര് ഉപേക്ഷിക്കുകയാണിവര്.
ഇതിന്റെ ആദ്യ ഘട്ടമായി ഇന്നലെ നഗരവാസികള് സ്വകാര്യ വാഹനങ്ങള് ഉപേക്ഷിച്ച് പൊതു ഗതാഗത സംവിധാനങ്ങളെ ആശ്രയിച്ചു.\'കാര് ഫ്രീ ഡേ\'യുടെ ആദ്യ ദിനത്തില് തലസ്ഥാനത്തെ നിരത്തുകളില് പതിനായിരത്തിലേറെ കാറുകളുടെ കുറവുണ്ടായെന്നാണ് കണക്കുകള്. നഗരാതിര്ത്തിക്കുള്ളില് അന്തരീക്ഷത്തിലെ മാലിന്യങ്ങളുടെ അളവിലും കാര്യമായ കുറവുണ്ടായതായാണ് കണക്കുകള് സൂചിപ്പിക്കുന്നത്.
സിറ്റി പോലീസിന്റെ നേതൃത്വത്തിലാണ് കാര് ഫ്രീ ഡേ നടപ്പിലാക്കുന്നത്. ഡല്ഹിയുടെ പ്രാന്ത നഗരമായ ഗുര്ഗാവിന്റെ മാതൃക പിന്തുടര്ന്നാണ് തലസ്ഥാനവും കാര് ഫ്രീ ഡേ നടപ്പിലാക്കിയിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
