സ്കൂളില് മൈലാഞ്ചിയിട്ട് വന്നതിന് വിദ്യാര്ത്ഥിയ്ക്ക് 500 രൂപ പിഴയിട്ടു
സ്കൂളില് മൈലാഞ്ചിയിട്ട് വന്നതിന് വിദ്യാര്ത്ഥിയ്ക്ക് സ്കൂള് അധികൃതരുടെ പിഴശിക്ഷ. 500 രൂപയാണ് മൈലാഞ്ചിയിട്ടു വന്നതിന്റ പേരില് വിദ്യാര്ത്ഥിയ്ക്ക് പിഴയേര്പ്പെടുത്തിയത്. ചെന്നൈയിലെ ഡേവ്ടണ് ഗേള്സ് ആന്ഡ് ബോയ്സ് ഹയര്സെക്കന്ഡറി സ്കൂളിലാണ് സംഭവം. പിഴ ഈടാക്കിയത് കാണിച്ച് സ്കൂള് അധികൃതര് രസീതും നല്കിയിട്ടുണ്ട്.
ഒക്ടോബര് അഞ്ചിനാണ് സംഭവം നടന്നത്. വിദ്യാര്ത്ഥിയുടെ കൈയില് മൈലാഞ്ചി കണ്ട അധ്യാപകര് വിദ്യാര്ത്ഥിയെ പ്രിന്സിപ്പാളിന്റെ അടുത്തേക്ക് വിളിപ്പിക്കുകയായിരുന്നു. തുടര്ന്ന് സ്കൂള് നിയമങ്ങള് ലംഘിച്ചെന്നാരോപിച്ച് കുട്ടിയ്ക്ക് 500 രൂപ പിഴയീടാക്കാന് പ്രിന്സിപ്പാള് തീരുമാനിക്കുകയായിരുന്നു.
നെയില്പോളിഷ്, മൈലാഞ്ചി തുടങ്ങിയവ ഇടാന് പാടില്ലെന്ന് സ്കൂള് നിയമാവലിയില് ഉള്ളതിനാലാണ് പിഴ ഈടാക്കിയതെന്നാണ് സ്കൂള് അധികൃതരുടെ വാദം. ഇത്തരം നിയമലംഘനങ്ങള്ക്ക് 2000 മുതല് 5000 രൂപ വരെ പിഴ ഈടാക്കിയതിന്റെ രസീതികള് കാണിച്ചു തന്നതായും കുട്ടിയുടെ പിതാവ് ആരോപണം ഉയര്ത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
