വിദേശികള്ക്ക് ഗര്ഭപാത്രം വാടകക്ക് നല്കുന്നത് നിരോധിക്കാന് നിയമവ്യവസ്ഥ കൊണ്ടുവരുന്നതില് ധാരണയിലത്തെിയെന്ന് കേന്ദ്ര വനിതാ കമീഷന്
വിദേശികള്ക്ക് ഗര്ഭപാത്രം വാടകക്ക് നല്കുന്നത് നിരോധിക്കാന് നിയമവ്യവസ്ഥ കൊണ്ടുവരുന്നതില് കേന്ദ്ര ആരോഗ്യമന്ത്രാലയവുമായി ധാരണയിലത്തെിയെന്ന് കേന്ദ്ര വനിതാ കമീഷന്. ഗര്ഭപാത്രം വാടകക്ക് നല്കുന്ന അമ്മമാരുടെ ആരോഗ്യപരിരക്ഷ ഉറപ്പുവരുത്താനും സാമ്പത്തികചൂഷണം തടയാനുമുള്ള വ്യവസ്ഥ നിയത്തില് ഉള്പ്പെടുത്താന് മന്ത്രാലയം സമ്മതിച്ചിട്ടുണ്ടെന്നും കമീഷന് വ്യക്തമാക്കി. വിദേശികള്ക്ക് ഗര്ഭപാത്രം വാടകക്ക് നല്കുന്ന വന്ലോബി പ്രവര്ത്തിക്കുന്നുണ്ടെന്ന് കമീഷന് ചെയര്പേഴ്സന് ലളിത കുമാരമംഗലം പറഞ്ഞു.
മെഡിക്കല് ടൂറിസത്തിന്റെ പരിധിയില്നിന്ന് വാടക ഗര്ഭധാരണം ഒഴിവാക്കാനും നിയമം കൊണ്ടുവരും. കര്ശന നിയമമില്ലാത്തതുമൂലം വാടക ഗര്ഭധാരണത്തിന്റെ കേന്ദ്രമായി രാജ്യം മാറിയിരിക്കുകയാണ്. അതിനാല് ഇന്ത്യയില്നിന്ന് ഗര്ഭപാത്രങ്ങള് വാടകക്കെടുക്കുന്നതില്നിന്ന് വിദേശികളെയും വിദേശത്ത് താമസിക്കുന്ന ഇന്ത്യക്കാരെയും വിലക്കും. അതേസമയം, അവിവാഹിത വനിതകള്ക്ക് വാടകഗര്ഭധാരണത്തിന് അനുമതി നല്കും. വാടക ഗര്ഭധാരണത്തിനുള്ള കുറഞ്ഞപ്രായം 23 ആക്കും. മനുഷ്യഭ്രൂണം ഇറക്കുമതി ചെയ്യാന് 2013ല് കേന്ദ്രം അനുമതി നല്കിയിരുന്നു. വാടകക്ക് ഗര്ഭം ധരിക്കാന് നിരവധി സ്ത്രീകള് തയാറായതോടെ വിദേശികള് ഇത് അവസരമാക്കി മാറ്റി. 2012ല് ഐക്യരാഷ്ട്രസഭ ശേഖരിച്ച കണക്കുപ്രകാരം രാജ്യത്ത് പ്രതിവര്ഷം 4000 ലക്ഷം ഡോളറിന്റെ വാടക ഗര്ഭധാരണ വ്യാപാരം നടക്കുന്നുണ്ട്.
വാണിജ്യാടിസ്ഥാനത്തില് വാടക ഗര്ഭധാരണം നടത്തുന്നത് നിരോധിക്കാന് നടപടിയെടുക്കണമെന്ന് സുപ്രീംകോടതി കഴിഞ്ഞദിവസം സര്ക്കാറിനോട് നിര്ദേശിച്ചിരുന്നുവെന്ന് ലളിത പറഞ്ഞു. മനുഷ്യഭ്രൂണങ്ങളുടെ ഇറക്കുമതി തടയാനും കര്ശന നപടിയെടുക്കണമെന്നും ഇതിനുള്ള നിയമങ്ങള് പുന$പരിശോധിക്കണമെന്നും സമഗ്രമായ പുതിയ നിയമം വേണമെന്നും സുപ്രീംകോടതി നിര്ദേശിച്ചിട്ടുണ്ട്.
വാടക ഗര്ഭധാരണവുമായി ബന്ധപ്പെട്ട പ്രശ്നങ്ങള് നിയമത്തില് വ്യക്തമായി പറയുന്നില്ല. അണ്ഡകോശം നല്കുന്ന സ്ത്രീയാണോ ഭ്രൂണം ഗര്ഭപാത്രത്തില് വഹിക്കുന്ന സ്ത്രീയാണോ കുട്ടിയുടെ നിയമപരമായ അമ്മ എന്നതുള്പ്പെടെയുള്ള കാര്യങ്ങളില് വ്യക്തത വരുത്തണമെന്നും കോടതി നിര്ദേശിച്ചു. ഇങ്ങനെയുണ്ടാകുന്ന കുട്ടികളുടെ മനുഷ്യാവകാശങ്ങള് ലംഘിക്കപ്പെടുന്നില്ളെന്നും പുതിയ നിയമം ഉറപ്പുവരുത്തുമെന്നും അവര് കൂട്ടിച്ചേര്ത്തു.
എന്താണ് വാടക ഗര്ഭധാരണം?
ദമ്പതികള്ക്കുവേണ്ടി മറ്റൊരു സ്ത്രീ കുഞ്ഞിനെ ഗര്ഭത്തില് വഹിക്കുന്നതാണ് വാടകഗര്ഭധാരണം അഥവാ \'സറോഗസി\'. ഇന് വിട്രോ ഫെര്ട്ടിലൈസേഷന് ചികിത്സാരീതിവഴി വളര്ത്തിയെടുക്കുന്ന ഭ്രൂണം മറ്റൊരു സ്ത്രീയുടെ ഗര്ഭപാത്രത്തില് നിക്ഷേപിക്കുകയാണ് ചെയ്യുക. ജനിക്കുന്ന കുഞ്ഞിന് ഗര്ഭപാത്രത്തിന്റെ ഉടമയായ സ്ത്രീയുമായി നിയമപരവും ജനിതകവുമായ ഒരു ബന്ധവുമുണ്ടാകാന് പാടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
