പഞ്ചാബില് തൊഴിലാളിയെ തലകീഴായി കെട്ടിത്തൂക്കി അടിച്ചുകൊന്നു
പഞ്ചാബില് തൊഴില്സ്ഥലത്ത് ബിഹാറുകാരനായ തൊഴിലാളിയെ തലകീഴായി കെട്ടിത്തൂക്കി അടിച്ചുകൊന്നു. അമൃത്സര് നഗരത്തിലെ ഒരു ഫാക്ടറിയിലാണു സംഭവം. ഫാക്ടറിയുടമയുടെ നേതൃത്വത്തിലുള്ള സംഘം തൊഴിലാളിയെ ഇരുമ്പുവടികൊണ്ട് ക്രൂരമായി മര്ദിക്കുന്നതിന്റെ ഞെട്ടിപ്പിക്കുന്ന വിഡിയോ സമൂഹമാധ്യമങ്ങളില് പ്രചരിച്ചതോടെയാണു സംഭവം പുറംലോകമറിഞ്ഞത്.
ദിവസക്കൂലിക്കു ജോലിയെടുക്കുന്ന രാം സിങ്ങിനെ മോഷണക്കുറ്റമാരോപിച്ചാണ് പീഡിപ്പിച്ചതെന്ന് ഭാര്യ രാജി പറയുന്നു. വ്യാഴാഴ്ച കാറിലെത്തിയ ഒരു സംഘം രാം സിങ്ങിനെ വീട്ടില്നിന്നു ബലമായി പിടിച്ചുകൊണ്ടു പോകുകയായിരുന്നു. മൃതദേഹം പിന്നീടു റോഡരികിലാണ് കണ്ടെത്തിയത്. അടി കൊണ്ടു പുളയുന്ന തൊഴിലാളിയുടെ വേദനയും കരച്ചിലും കണ്ട് മറ്റു തൊഴിലാളികള് ചിരിക്കുന്നതും പ!ഞ്ചാബിയില് അസഭ്യം പറയുന്നതും വിഡിയോയിലുണ്ട്.
34 മിനിറ്റ് വിഡിയോയിലെ കുറച്ചു ഭാഗം മാത്രമാണു കാണിക്കുന്നതെന്നും മനക്കട്ടിയുള്ളവര് മാത്രം കണ്ടാല് മതിയെന്നുമുള്ള മുന്നറിയിപ്പോടെയാണ് വിഡിയോ സമൂഹമാധ്യമത്തില് പ്രചരിക്കുന്നത്. മൊബൈല് ഫോണിലാണ് ദൃശ്യങ്ങളെടുത്തത്. പൊലീസ് മൂന്നുപേര്ക്കെതിരെ കേസെടുത്തിട്ടുണ്ടെങ്കിലും ആരെയും പിടികൂടിയിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
