ജാതിയുടെ പേരില് കൊലപാതകം: ഹരിയാനയില് നാലംഗ ദളിത് കുടുംബത്തെ കത്തിച്ചു, രണ്ടു കുട്ടികള് വെന്തുമരിച്ചു
ഹരിയാനയില് ജാതിയുടെ പേരിലുള്ള സംഘര്ഷത്തെ തുടര്ന്ന് നാലംഗ ദളിത് കുടുംബത്തെ ജീവനോടെ കത്തിച്ചു. പൊള്ളലേറ്റ രണ്ടു കുട്ടികള് മരിച്ചു. മാതാപിതാക്കളെ ഗുരുതര പരിക്കുകളോടെ ഡല്ഹിയിലെ സഫ്ദര്ജംഗ് ആശുപത്രിയില് പ്രവേശിപ്പിച്ചിരിക്കുകയാണ്. ഫരീദാബാദിലെ പ്രിതല മേഖലയിലാണ് ജാതിയുടെ പേരിലുള്ള ക്രൂരത അരങ്ങേറിയത്.
പുലര്ച്ചെ നാലിന് കുടുംബം ഉറങ്ങുമ്പോഴാണ് അജ്ഞാതര് വീടിനു തീയിട്ടത്. തീപടരുന്നതു കണ്ടു ഓടിക്കൂടിയവര് നാല് പേരെയും പുറത്തെത്തിച്ചെങ്കിലും കുട്ടികള് മരണത്തിനു കീഴടങ്ങിയിരുന്നു.ഫരീദാബാദ് പോലീസ് കമ്മീഷണര് അടക്കം ഉന്നത ഉദ്യോഗസ്ഥര് സ്ഥലത്ത് എത്തിയിട്ടുണ്ട്.
സംഭവത്തെക്കുറിച്ച് അന്വേഷിക്കുമെന്ന് പോലീസ് പറഞ്ഞു. ബല്ലഭ്ഗഡ് ഡിസിപി ഭൂപീന്ദര് സിങ് സ്ഥലത്തെത്തി സ്ഥിതിഗതികള് നിരീക്ഷിക്കുന്നുണ്ട്. പ്രദേശത്ത് വന് പൊലീസ് സന്നാഹത്തെ വിന്യസിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
