മോദിയും ബിജെപി നേതാക്കളും ബാല് താക്കറെയെ വണങ്ങുന്ന വിവാദ പോസ്റ്റര് ശിവസേന പിന്വലിച്ചു
ബിജെപി-ശിവസേന വടംവലിയും അസ്വാരസ്യവും വര്ധിച്ചുവരുന്നതിനിടെ ശിവസേന ഭവനു മുന്നില് ഉയര്ന്ന വിവാദ പോസ്റ്റര് നീക്കം ചെയ്തു. പ്രധാനമന്ത്രി നരേന്ദ്ര മോദി അടക്കമുള്ള ബിജെപി നേതാക്കള് ശിവസേന മുന് തലവന് ബാല് താക്കറെയുടെ മുന്നില് വണങ്ങുന്ന ചിത്രമാണു പോസ്റ്ററാക്കിയത്. ശിവസേനയുടെ മുന്നില് വണങ്ങുന്ന മുന് കാലം നിങ്ങള് മറന്നുവോ എന്ന ചോദ്യവും പോസ്റ്ററില് ഉണ്ടായിരുന്നു.
സംഭവത്തില് ബിജെപി അതൃപ്തി അറിയിച്ചിരുന്നു. ദാദ്രി, കല്ബുര്ഗി, പാക് ക്രിക്കറ്റ് ബന്ധം തുടങ്ങിയ വിവിധ വിഷയങ്ങളില് ശിവസേന നടത്തിവരുന്ന അസഹിഷ്ണുതയും അതിരുകടന്ന പ്രതിഷേധവും ബിജെപി നേതൃത്വത്തെ വിഷമവൃത്തത്തിലാക്കി. ഇതോടെ ശിവസേന നേതാക്കള്ക്കു ബിജെപി ശക്തമായ താക്കീത് നല്കി. ഇതിനു പിന്നാലെ തിങ്കളാഴ്ച ശിവസേന ഭവന്റെ മുന്നില് സ്ഥാപിച്ച ഭീമാകാരമായ പോസ്റ്റര് വന് വിവാദത്തിനു കാരണമായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
