സെന്തിലിനെ വെട്ടിയ ഗവര്ണര് നീക്കം;പിന്നില് കളിച്ചത് അമിത് ഷാ,ഒടുവില് പണികിട്ടുമെന്ന ഘട്ടത്തില് ഉത്തരവ് പിന്വലിക്കല്,അണ്ണാമലൈയ്ക്ക് ചുവടുറപ്പിക്കാന് സെന്തില് വീഴണം,രാഷ്ട്രീയ പക ഇങ്ങനെ
സെന്തില് ബാലാജിയെ മന്ത്രിസഭയില് നിന്ന് പുറത്താക്കി ഗവര്ണര് ഉത്തരവിറക്കുന്നു ഇതോടെ സ്റ്റാലിനും ഡിഎംകെയും ഇളകുന്നു. എന്നാല് പൊടുന്നനെ സെന്തിലിനെ വെട്ടിയ നടപടി തമിഴ്നാട് ഗവര്ണര് ആര്എന് രവി തന്നെ മരവിപ്പിക്കുന്നു. മണിക്കുറുകള്ക്കുള്ളില് നടന്ന ആ രാഷ്ട്രീയക്കളി എന്തായിരുന്നു. നടന്നത് ഗവര്ണര് കളിയല്ല അമിത് ഷായുടെ കൈവിട്ട കളിയായിരുന്നു. അമിത് ഷായുടെ ഇടപെടലിനെ തുടര്ന്നായിരുന്നു ഗവര്ണറുടെ പിന്നീട് ഗവര്ണറുടെ പിന്മാറ്റവും. സെന്തില് ബാലാജിയെ സ്റ്റാലിന് മന്ത്രിസഭയില് നിന്ന് പുറത്താക്കുക എന്നതാണ് കേന്ദ്രത്തിന്റെ ലക്ഷ്യം. അതിന് വേണ്ടി തന്നെയാണ് തമിഴകത്ത് ഇഡിയെ ഇറക്കിയതും. എന്നാല് ഇഡി അറസ്റ്റ് ചെയ്തിട്ടും സ്റ്റാലിന് മന്ത്രിസഭയില് നിന്ന് ബാലാജി ഔട്ടായില്ല. പകരം വകുപ്പില്ലാ മന്ത്രിയായ് സെന്തിലിനെ മന്ത്രിസഭയില് തന്നെ ചേര്ത്തുനിര്ത്തി സ്റ്റാലിന്. അതിന് സ്റ്റാലിന് കൃത്യമായ രാഷ്ട്രീയമുണ്ട്. ഒടുവില് ഗവര്ണറെ ഇറക്കി വെട്ടാന് നോക്കി, അതും നടന്നില്ല നടപടി മരവിപ്പിക്കേണ്ടി വന്നു.
തമിഴ്നാട്ടിലെ പ്രബലനായ നേതാവാണ് സെന്തില് ബാലാജി. ഒരുതരത്തില് ബാലാജിയെ തമിഴ്നാട് ബിജെപി നേതൃത്വം ഭയക്കുന്നു എന്ന് പറയണം. ഉള്ഗ്രാമങ്ങളില് ആഴത്തില് വേരുറപ്പിച്ച നേതാവാണ് സെന്തില് ബാലാജി. കര്ഷക കുടുംബത്തില് ജനിച്ച ബാലാജി ഗൗണ്ടര് വിഭാഗത്തിന് സ്വാധീനമുള്ള കോയമ്പത്തൂര്,സേലം,ഈ റോഡ് ഈ പ്രദേശങ്ങള് അടക്കിഭരിക്കുന്ന നേതാവാണ്. അണ്ണാ ഡിഎംകെയും ബിജെപിയും ഒരുപോലെ ലക്ഷ്യംവെക്കുന്ന മേഖലയാണ് കൊങ്കുനാട്. സെന്തില് ബാലാജിയ്ക്കെതിരെ കച്ചെകട്ടി ഇറങ്ങിയ തമിഴ്നാട് ബിജെപി അദ്ധ്യക്ഷന് അണ്ണാമലൈയ്ക്ക് നിവര്ന്ന് നില്ക്കണമെങ്കില് സെന്തില് വീഴണം. സെന്തിലിന്റെ സ്വന്തം നാടായ കരൂര് ജില്ലയിലെ അറുവാക്കുറിച്ചിയില് മത്സരിച്ച കെ അണ്ണാമലൈ കനത്ത തോല്വിയേറ്റുവാങ്ങി. സെന്തില് തന്റെ കരുത്ത് തെളിയിച്ച കൊങ്കുനാട് മേഖലയില് തന്നെയാണ് തമിഴ്നാട്ടില് ബിജെപിയ്ക്ക് വേരുറപ്പിക്കേണ്ടതും.
സെന്തില് ബാലാജിയോട് അമിത് ഷായ്ക്ക് രാഷ്ട്രീയ വിരോധം മാത്രമല്ല ഒരു വ്യക്തിവിരോധം കൂടിയുണ്ട്. ഷാ ചെന്നൈയില് ഐത്തിയപ്പോള് വൈദ്യുതി നിലച്ചു. വൈദ്യുതി മന്ത്രി സെന്തില് ബാലാജി ആയിരുന്നല്ലോ. അമിത് ഷാ വിമാനത്താവളത്തിന് പുറത്തിറങ്ങിയപ്പോള് തെരുവ് വിളക്കുകള് അണഞ്ഞു. തുടര്ന്ന് വലിയ പ്രതിഷേധം ഉണ്ടായി. ഇതില് അന്വേഷണം വേണമെന്ന് ബിജെപി ആവശ്യപ്പെടുകയും ചെയ്തു. ഇതിനെ രാഷ്ട്രീയ വല്ക്കരിക്കേണ്ടതില്ല സാങ്കേതിക തകരാറാര് മാത്രമാണിത് 40 മിനിറ്റ് കൊണ്ട് പ്രശ്നം പരിഹരിച്ചുവെന്നും ബാലാജി തിരിച്ചടിച്ചു. എന്നാല് ബിജെപി പാളയം ഇതിനെ ഇപ്പോഴും ബാലാജിയുടെ രാഷ്ട്രീയ പകപോക്കലായ് തന്നെ കാണുന്നു.
സെന്തിലിനെ തൊട്ടാല് കൊങ്കുനാട്ടിലെ ജനങ്ങള് ശക്തമായ് പ്രതികരിയ്ക്കും ഇത് ബിജെപിയ്ക്ക് തിരിച്ചടിയാണ്. അതാണ് പെട്ടെന്ന് തന്നെ ബാലാജിയെ മന്ത്രിസഭയില് നിന്ന് വെട്ടിയ നടപടി പെട്ടെന്ന് ഗവര്ണര് മരവിപ്പിച്ചത്. സെന്തിലിനെതിരായ നടപടിയില് ഗവര്ണര്ക്കും ഒപ്പം ബിജെപിയ്ക്കും കാലിടറുമെന്നായപ്പോഴായിരുന്നു പിന്മാറ്റം. രാഷ്ട്രീയ പ്രത്യാഘാത ഉറപ്പായ സാഹചര്യത്തിലാണ് ഗവര്ണര് പിന്നോട്ട് പോയത്. മുഖ്യമന്ത്രിയോട് പോലും ചോദിക്കാതെയായിരുന്നു ഗവര്ണര്, ബാലാജിയെ മന്ത്രിസഭയില് നിന്ന് നീക്കിയത്. ഡിഎംകെ സര്ക്കാരുമായി ഏറ്റുമുട്ടലിന് വഴിയൊരുക്കുന്നതായിരുന്നു ഈ തീരുമാനം. തമിഴ്നാട് സര്ക്കാര് ഗവര്ണറുടെ തീരുമാനത്തെ സുപ്രീം കോടതിയില് ചോദ്യം ചെയ്യാന് തീരുമാനിച്ചുവെന്നാണ് റിപ്പോര്ട്ട്. ഇത് നിയമപരമായി ഡിഎംകെയ്ക്ക് നേട്ടമാകും. ഗവര്ണര് രാഷ്ട്രീയം കളിച്ചെന്ന പരാമര്ശം കോടതിയില് നിന്നുണ്ടായാല് അത് വലിയ തിരിച്ചടിയാകും. അതാണ് ഷാ ഇടപെട്ട് ഉത്തരവ് മരവിപ്പിച്ചത്.
https://www.facebook.com/Malayalivartha
