മൂടോടെ ഒഴുകിപ്പോയി... പൊതു തിരഞ്ഞെടുപ്പ് അടുത്തിരിക്കെ കോണ്ഗ്രസ് പാര്ട്ടിയില്നിന്നുള്ള കൊഴിഞ്ഞുപോക്ക് തുടരുന്നു; രാഹുല് ഗാന്ധി വയനാട്ടില് എത്തുമ്പോള് കമല്നാഥ് കുടുംബ സമേതം ബിജെപിയില്; ഒരു രാജ്യസഭ സീറ്റിന്റെ വിലയായി 12 ഓളം എംഎല്എമാരേയും കൊണ്ട് പോകും; ഏറെക്കാലമായി കമല്നാഥ് അസ്വസ്ഥന്
മൂടോടെ ഒഴുകിപ്പോയി... പൊതു തിരഞ്ഞെടുപ്പ് അടുത്തിരിക്കെ കോണ്ഗ്രസ് പാര്ട്ടിയില്നിന്നുള്ള കൊഴിഞ്ഞുപോക്ക് തുടരുന്നു; രാഹുല് ഗാന്ധി വയനാട്ടില് എത്തുമ്പോള് കമല്നാഥ് കുടുംബ സമേതം ബിജെപിയില്; ഒരു രാജ്യസഭ സീറ്റിന്റെ വിലയായി 12 ഓളം എംഎല്എമാരേയും കൊണ്ട് പോകും; ഏറെക്കാലമായി കമല്നാഥ് അസ്വസ്ഥന്
രാഹുല് ഗാന്ധി വയനാടില് സമാധാനത്തിനായി വയനാട്ടില് എത്തുമ്പോള് ഡല്ഹിയില് കോണ്ഗ്രസ് അന്ധാളിപ്പിലാണ്. പൊതു തിരഞ്ഞെടുപ്പ് അടുത്തിരിക്കെ പാര്ട്ടിയില്നിന്നുള്ള കൊഴിഞ്ഞുപോക്കിനെ ആശങ്കയോടെയാണ് കോണ്ഗ്രസ് നേതൃത്വം നോക്കിക്കാണുന്നത്. മുതിര്ന്ന നേതാവ് അശോക് ചവാന് ബി.ജെ.പിയില് എത്തി ആഴ്ചകള് മാത്രം പിന്നിടുമ്പോഴാണ് മറ്റൊരു മുതിര്ന്ന കോണ്ഗ്രസ് നേതാവുകൂടി പാര്ട്ടി വിട്ട് ബി.ജെ.പിയില് ചേരാന് ഒരുങ്ങുന്നു എന്ന വാര്ത്ത വരുന്നത്.
കോണ്ഗ്രസിന്റെ അതികായന്മാരില് ഒരാള് എന്ന് വിശേഷിപ്പിക്കപ്പെട്ടിരുന്ന കമല്നാഥ്, ബി.ജെ.പിയില് ചേരുമെന്ന വാര്ത്തകളാണ് പുറത്തുവരുന്നത്. ഏറെക്കാലമായി കോണ്ഗ്രസിനകത്ത് കമല്നാഥ് അസ്വസ്ഥനായിരുന്നുവെന്നാണ് അദ്ദേഹവുമായി അടുത്തവൃത്തങ്ങളെ ഉദ്ധരിച്ച് റിപ്പോര്ട്ട് ചെയ്യുന്നത്. ഇക്കാര്യം പാര്ട്ടിയെ ധരിപ്പിച്ചിട്ടുണ്ടായിരുന്നുവെന്നും അടുത്തവൃത്തങ്ങള് പറയുന്നു.
കമല്നാഥ് ഡല്ഹിയില് എത്തിയതും മകനും എം.പിയുമായ നകുല്നാഥ്, ട്വിറ്റര് ബയോയില് 'കോണ്ഗ്രസ്' എടുത്തുമാറ്റിയതും വളരെ സൂക്ഷ്മമായാണ് രാഷ്ട്രീയ നിരീക്ഷകരടക്കം നോക്കിക്കാണുന്നത്. പാര്ട്ടിക്കുള്ളില് കമല്നാഥിന്റെ ആത്മാഭിമാനത്തിന് ക്ഷതമേറ്റുവെന്ന് അദ്ദേഹത്തിന്റെ അടുത്ത അനുയായി സജ്ജന് സിങ് വര്മ പറഞ്ഞു. കമല്നാഥ് അപമാനിതനായെന്നും അദ്ദേഹം വാര്ത്താ ഏജന്സിയായ എ.എന്.ഐയോടു പ്രതികരിച്ചു.
രാഹുല് ഗാന്ധി ഭാരത് ജോഡോ ന്യായ് യാത്രയുടെ തിരക്കിലാണ്. മുതിര്ന്ന നേതാക്കളായ ജയ് റാം രമേഷ്, കെ.സി. വേണുഗോപാല്, രണ്ദീപ് സുര്ജെവാലയെപ്പോലെയുള്ളവരാണ് പാര്ട്ടിയെ നിയന്ത്രിക്കുന്നത്. കോണ്ഗ്രസിനകത്ത് കമല്നാഥ് ഏറെക്കാലമായി അസ്വസ്ഥനായിരുന്നുവെന്നും കമല്നാഥുമായി അടുത്തവൃത്തങ്ങള് പറഞ്ഞു.
രാജ്യസഭയിലേക്ക് നാമനിര്ദേശം ചെയ്യപ്പെടാത്തത് കൊണ്ടായിരുന്നോ കമല്നാഥ് പാര്ട്ടിക്കുള്ളില് അസ്വസ്ഥനായിരുന്നത് എന്ന ചോദ്യത്തിന്, അത്തരം കാര്യങ്ങള് ശരിയല്ല എന്നായിരുന്നു അടുത്തവൃത്തങ്ങളുടെ പ്രതികരണം. എന്നാല് ബി.ജെ.പിയില് ചേരുന്നതില് ഔദ്യോഗിക പ്രഖ്യാപനങ്ങളൊന്നും അദ്ദേഹത്തിന്റെ ഭാഗത്തുനിന്ന് ഇതുവരെ ഉണ്ടായിട്ടില്ല.
അത്തരത്തില് എന്തെങ്കിലും ഒന്ന് ഉണ്ടെങ്കില് തന്നെ അക്കാര്യം ആദ്യം അറിയിക്കുന്നത് നിങ്ങളോടായിരിക്കും എന്നായിരുന്നു കമല്നാഥിന്റെ മറുപടി. ബിജെപിയില് ചേരുന്നു എന്ന അഭ്യൂഹങ്ങള്ക്ക് പിന്നാലെ അദ്ദേഹം ഡല്ഹിയില് എത്തിയിരുന്നു. ഇതിന് പിന്നാലെ മാധ്യമപ്രവര്ത്തകരുടെ ചോദ്യത്തിനായിരുന്നു അദ്ദേഹത്തിന്റെ പ്രതികരണം.
മധ്യപ്രദേശ് തോല്വിയെ തുടര്ന്ന് പി.സി.സി അദ്ധ്യക്ഷ സ്ഥാനത്തു നിന്ന് നീക്കുകയും രാജ്യസഭയിലേക്ക് പരിഗണിക്കാതിരിക്കുകയും ചെയ്ത നിരാശയില് ബി.ജെ.പിയില് ചേര്ന്നേക്കുമെന്ന അഭ്യൂഹങ്ങള്ക്കിടെ മുതിര്ന്ന കോണ്ഗ്രസ് നേതാവ് കമല്നാഥ് ഡല്ഹിയില് എത്തിയത്. അദ്ദേഹത്തിന്റെ മകനും മധ്യപ്രദേശില് നിന്നുള്ള ഏക കോണ്ഗ്രസ് എംപിയുമായ നകുല്നാഥ് സമൂഹമാദ്ധ്യമ അക്കൗണ്ടുകളില് നിന്ന് 'കോണ്ഗ്രസ്' ഒഴിവാക്കിയതും അഭ്യൂഹങ്ങള്ക്ക് ശക്തി പകര്ന്നു.
ഡല്ഹിയിലുള്ള കമല്നാഥ് ബി.ജെ.പി നേതാക്കളെ ആരെയും കണ്ടിട്ടില്ലെങ്കിലും രഹസ്യ ചര്ച്ചകള് പുരോഗമിക്കുന്നുവെന്നാണ് സൂചന. മൂന്ന് കോണ്ഗ്രസ് നേതാക്കള് പാര്ട്ടിയിലെത്തുമെന്ന് മധ്യപ്രദേശ് ബി.ജെ.പി അദ്ധ്യക്ഷന് വി.ഡി.ശര്മ്മ പറഞ്ഞിരുന്നു. കഴിഞ്ഞ ദിവസം നകുല്നാഥിന്റെ മണ്ഡലമായ ചിന്ത്വാരയില് കോണ്ഗ്രസ് പ്രവര്ത്തകരുമായി ചര്ച്ചകള് നടത്തിയ ശേഷമാണ് കമല്നാഥ് ഇന്നലെ രാവിലെ ഡല്ഹിയിലെത്തിയത്. നകുല്നാഥും ഡല്ഹിയിലുണ്ട്. ബി.ജെ.പി പ്രവേശനത്തെക്കുറിച്ച് മാദ്ധ്യമ പ്രവര്ത്തകര് ചോദിച്ചപ്പോള് അതു നിഷേധിക്കാതെ എന്തുണ്ടെങ്കിലും നിങ്ങളോട് പറയുമെന്ന മറുപടിയാണ് കമല്നാഥ് നല്കിയത്. മാദ്ധ്യമ പ്രവര്ത്തകരോട് ആവേശം കൊള്ളേണ്ട എന്നും പറഞ്ഞു.
നിയമസഭാ തെരഞ്ഞെടുപ്പ് പരാജയത്തെ ചൊല്ലി രാഹുല് ഗാന്ധി പരസ്യമായി തള്ളിപ്പറഞ്ഞതും പി.സി.സി അദ്ധ്യക്ഷ സ്ഥാനത്തു നിന്ന് നീക്കിയതും കമല്നാഥിനെ അസ്വസ്ഥനാക്കിയിരുന്നു. 2020ല് കമല്നാഥ് നയിച്ച കോണ്ഗ്രസ് സര്ക്കാരിനെ വീഴ്ത്തിയ ജ്യോതിരാദിത്യ സിന്ധ്യ ബി.ജെ.പിയില് ചേര്ന്നത് സംസ്ഥാനത്ത് പാര്ട്ടിക്ക് വന് തിരിച്ചടിയായിരുന്നു. അടുത്തിടെയാണ് മഹാരാഷ്ട്രയില് മിലിന്ദ് ദേവ്റയും മുന് മുഖ്യമന്ത്രി അശോക് ചവാനും പാര്ട്ടി വിട്ടത്.
"
https://www.facebook.com/Malayalivartha
