കേന്ദ്ര തിരഞ്ഞെടുപ്പ് സമിതി യോഗം ഇന്നലെ ഡല്ഹിയിലെ പാര്ട്ടി ആസ്ഥാനത്ത് പൂര്ത്തിയായി... ലോക്സഭാ തെരഞ്ഞെടുപ്പിലെ ബിജെപി സ്ഥാനാര്ത്ഥികളുടെ ആദ്യ പട്ടിക ഇന്ന് പ്രഖ്യാപിക്കും... 160 മണ്ഡലങ്ങളില് സ്ഥാനാര്ത്ഥികളെ ഇന്ന് പ്രഖ്യാപിക്കുമെന്നാണ് സൂചന
കേന്ദ്ര തിരഞ്ഞെടുപ്പ് സമിതി യോഗം ഇന്നലെ ഡല്ഹിയിലെ പാര്ട്ടി ആസ്ഥാനത്ത് പൂര്ത്തിയായി... ബിജെപി കേന്ദ്ര തെരഞ്ഞെടുപ്പ് സമിതി യോഗം ഇന്നലെ രാത്രി ഡല്ഹിയില് ചേര്ന്നിരുന്നു. പുലര്ച്ചെ വരെ നീണ്ട യോഗത്തില് നരേന്ദ്രമോദി, അമിത് ഷാ, രാജ്നാഥ് സിംഗ്, പാര്ട്ടി അധ്യക്ഷന് ജെ.പി. നദ്ദ എന്നിവര് പങ്കെടുത്തു.
160 മണ്ഡലങ്ങളില് സ്ഥാനാര്ത്ഥികളെ ഇന്ന് പ്രഖ്യാപിക്കുമെന്നാണ് വിവരം. ബിജെപി ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാരും, സംഘടനാ ചുമതലയുള്ളവരും യോഗത്തിന് മുമ്പായി ബിജെപി ആസ്ഥാനത്തെത്തി കേന്ദ്ര നേതൃത്വവുമായി ചര്ച്ച നടത്തി. കെ സുരേന്ദ്രന്, രാജീവ് ചന്ദ്രശേഖര്, വി മുരളീധരന് എന്നിവരും കേന്ദ്ര നേതാക്കളെ കണ്ടു.
ബി.ജെ.പി ഇതുവരെ ജയിച്ചിട്ടില്ലാത്ത കേരളം അടക്കമുള്ള സംസ്ഥാനങ്ങളിലെ സീറ്റുകളും പട്ടികയിലുണ്ടാകും. കേന്ദ്രമന്ത്രിമാരും രാജ്യസഭാംഗങ്ങളുമായ എസ്.ജയശങ്കര്, നിര്മ്മല സീതാരാമന്, പിയൂഷ് ഗോയല് എന്നിവരും ലോക്സഭയിലേക്ക് മത്സരിക്കുമെന്ന് സൂചനയുണ്ട്.
കേന്ദ്രമന്ത്രി മീനാക്ഷി ലേഖിയുടെ സിറ്റിംഗ് സീറ്റായ ന്യൂഡല്ഹിയില് ഡല്ഹി ഘടകം വിദേശകാര്യ മന്ത്രി എസ്.ജയശങ്കറിന്റെ പേര് നിര്ദ്ദേശിച്ചിട്ടുണ്ട്.
https://www.facebook.com/Malayalivartha
