വിമാനത്തിൽ യാത്രക്കാരുണ്ടാക്കുന്ന ഒരൊ പൊല്ലാപ്പുകൾ കൂടിവരികയാണ്. മറ്റ് യാത്രക്കാർക്കും അതുപോലെ വിമാന ജീവനക്കാർക്കും ആകെ തലവേദയായിരിക്കുകയാണ് ചില യാത്രക്കാരുടെ ഇത്തരം നടപടികൾ. ഇപ്പോൾ ക്യാബിനുള്ളിൽ രൂക്ഷമായ ഗന്ധം നിറഞ്ഞതിന് പിന്നാലെ വിമാന ജീവനക്കാർ നടത്തിയ പരിശോധനയിൽ കണ്ടത് ഞെട്ടിക്കുന്ന കാഴ്ച്ചയാണ്. വിമാനത്തിനുള്ളിലെ ശുചിമുറിയിൽ പുകലിക്കുകയായിരുന്നു വലിക്കുകയായിരുന്നു ഒരു യാത്രക്കാരൻ.

ഛത്രപതി ശിവജി മഹാരാജ് അന്താരാഷ്ട്ര വിമാനത്താവളത്തിൽ ചൊവ്വാഴ്ചയാണ് സംഭവം. ദില്ലിയിൽ നിന്ന് പുറപ്പെട്ട് മുംബൈ വഴി റിയാദിലക്ക് പകുന്ന ഇൻഡിഗോ വിമാനത്തിൽ 42കാരനായ യാത്രക്കാരനാണ് ശുചിമുറിയിൽ വച്ച് പുകവലിച്ചത്. പ്രതി സിഗരറ്റും ലൈറ്ററുമായി എങ്ങനെ വിമാനത്തിനുള്ളില്‍ കടന്നെന്ന് വ്യക്തമല്ല. റിയാദിലാണ് മുഹമ്മദ് ഫക്രുദ്ദീന്‍ ജോലി ചെയ്യുന്നതെന്ന് ചോദ്യം ചെയ്യലില്‍ വ്യക്തമായെന്ന് എയര്‍ലൈന്‍ ഉദ്യോഗസ്ഥര്‍ പറഞ്ഞു.

വിമാനജീവനക്കാർ ചോദ്യം ചെയ്തപ്പോൾ യാത്രക്കാരൻ പുകവലിക്കുകയായിരുന്നുവെന്ന് സമ്മതിക്കുകയും ചെയ്തതിന് പിന്നാലെയാണ് ഇയാളെ അറസ്റ്റ് ചെയ്യുകയും ചെയ്തു. വിമാനം മുംബൈയിൽ ലാൻഡ് ചെയ്തതിന് പിന്നാലെ മുംബൈ പൊലീസ് മുഹമ്മദ് ഫക്രുദീൻ മുഹമ്മദ് അമറുദ്ദീൻ എന്ന യാത്രക്കാരനെ അറസ്റ്റ് ചെയ്തത്. ഇന്ത്യൻ ശിക്ഷാ നിയമത്തിലെ 336ാം വകുപ്പ് അനുസരിച്ചും എയർക്രാഫ്റ്റ് ആക്ട് അനുസരിച്ചുമാണ് അറസ്റ്റ്.

മറ്റുള്ളവരുടെ സുരക്ഷ അപകടത്തിലാക്കുന്ന രീതിയിൽ പ്രവർത്തിച്ചതിനാണ് നടപടി. വിമാനത്തിൽ പുകവലിക്കുന്നത് സഹയാത്രക്കാർക്ക് അപകടമുണ്ടാക്കുമെന്നതിനാലും വിമാനത്തിന് തീപിടിക്കാൻ സാധ്യതയുണ്ട് എന്നതുകൊണ്ടുമാണ് കർശന നിയന്ത്രണം ഏർപ്പെടുത്തുന്നത്. കുറ്റം തെളിഞ്ഞാൽ ഈ വകുപ്പ് അനുസരിച്ച് മൂന്ന് മാസത്തെ തടവ് ശിക്ഷയും പിഴയും ലഭിക്കാവുന്നതാണ്. ഇയാളെ ജുഡീഷ്യൽ കസ്റ്റഡിയിൽ അയച്ചു.

കഴിഞ്ഞ നവംബർ മാസത്തിലും മസ്‌കറ്റില്‍ നിന്ന് മുംബൈയിലേക്കുള്ള ഒമാന്‍ എയര്‍ സമാനമായ സംഭവം ഉണ്ടായതായി റിപ്പോർട്ട് ചെയ്തിരുന്നു.
യാത്രയ്ക്കിടെ വിമാനത്തിന്റെ ടോയ്‌ലറ്റിൽ ഇരുന്ന് പുകവലിച്ച ഇന്ത്യക്കാരനായ യുവാവിനെ പിടികൂടി. വിമാനത്തിന്റെ ടോയ്‌ലറ്റിൽ നിന്ന് പുറത്തേക്ക് പുക വരുന്നത് കണ്ട വിമാന ജീവനക്കാർ ആദ്യമൊന്ന് പരിഭ്രാന്തരായി തുടർന്ന് ഇതിൽ ആരൊ ഉണ്ടെന്ന് ഉറപ്പിച്ചു. ടോയ്ലറ്റില്‍ നിന്നിറങ്ങിയ ഉടന്‍ വിമാനത്തിലെ ജീവനക്കാര്‍ യുവാവിനെ പിടികൂടുകയായിരുന്നു.

ബെംഗളൂരു സ്വദേശിയായ കബീര്‍ സെയ്ഫ് റിസവി എന്ന 27കാരനെയാണ് പൊലീസ് പിടികൂടിയത്. പിന്നീട് വിമാനം മുംബൈയിൽ ലാൻഡ് ചെയ്തയുടൻ ഇയാളെ സഹര്‍ പോലീസിന് കൈമാറുകയായിരുന്നു. ഇയാളില്‍ നിന്ന് ലൈറ്റര്‍, സിഗരറ്റ് പാക്കറ്റ്, കേടുപാട് സംഭവിച്ച ഓക്‌സിജന്‍ കിറ്റ് എന്നിവ പിടികൂടി. ഐപിസി 336 വകുപ്പ് ചുമത്തിയാണ് അറസ്റ്റ് ചെയ്തത്. മറ്റുള്ളവരുടെ ജീവന്‍ അപകടപ്പെടുത്താന്‍ ശ്രമിച്ചെന്നതാണ് കുറ്റം.