അന്താരാഷ്‌ട്ര വനിതാ ദിനത്തിൽ രാജ്യത്തുടനീളമുള്ള സ്ത്രീശക്തികൾക്ക് ആശംസകൾ നേർന്ന് പ്രധാനമന്ത്രി നരേന്ദ്രമോദി. നാരീശക്തികളുടെ കഴിവിൽ രാജ്യത്തിന് അഭിമാനമുണ്ടെന്നും അവരുടെ നേട്ടങ്ങളെ അഭിനന്ദിക്കുന്നുവെന്നും പ്രധാനമന്ത്രി പറഞ്ഞു. എക്‌സിലൂടെയാണ് അദ്ദേഹം രാജ്യത്തെ വനിതകൾക്ക് ആശംസകൾ നേർന്നത്.‘അന്താരാഷ്‌ട്ര വനിതാ ദിനാശംസകൾ! രാജ്യത്തെ നാരീശക്തികളുടെ ധൈര്യം, ശക്തി, പ്രതിസന്ധികളെ അതിജീവിക്കാനുള്ള കഴിവ് എന്നിവയെ കേന്ദ്രസർക്കാർ ഏറെ അഭിമാനത്തോടെയാണ് കാണുന്നത്. നമ്മുടെ നാരീ ശക്തിയെയും വിവിധ മേഖലകളിലെ അവരുടെ നേട്ടങ്ങളെയും ഞാൻ അഭിനന്ദിക്കുന്നു. വിദ്യാഭ്യാസം, സംരംഭകത്വം, കൃഷി, സാങ്കേതികവിദ്യ തുടങ്ങി നിരവധി മേഖലകളിലൂടെ സ്ത്രീ ശാക്തീകരണത്തിന് കേന്ദ്രസർക്കാർ ഊന്നൽ നൽകുന്നുണ്ട്. രാജ്യത്തിന്റെ വികസന യാത്രയിൽ നമ്മുടെ നാരീശക്തി വഹിച്ച പങ്ക് ചെറുതല്ല.

വരും കാലങ്ങളിലും സ്ത്രീകളെ മുൻനിരയിൽ നിർത്താനുള്ള കേന്ദ്രസർക്കാരിന്റെ ശ്രമങ്ങൾ തുടരും.’ പ്രധാനമന്ത്രി എക്‌സിൽ കുറിച്ചു.അതെ സമയം സ്ത്രീകൾക്കായി ഒരു വമ്പൻ പ്രഖ്യാപനവും അദ്ദേഹം നടത്തി .അന്താരാഷ്ട്ര വനിതാ ദിനത്തിൽ(International Womens day 2024) വലിയ പ്രഖ്യാപനവുമായി പ്രധാനമന്ത്രി നരേന്ദ്ര മോദി. പാചകവാതക സിലിണ്ടറുകളുടെ വില(LPG cylinders Price) 100 രൂപ കുറച്ചു. എക്സിൽ പങ്കുവെച്ച പോസ്റ്റിലൂടെയാണ് മോദി(PM Modi) പ്രഖ്യാപനം നടത്തിയത്."ഇന്ന്, വനിതാ ദിനത്തിൽ, എൽപിജി സിലിണ്ടർ വില 100 രൂപ കുറയ്ക്കാൻ ഞങ്ങളുടെ സർക്കാർ തീരുമാനിച്ചു. ഇത് രാജ്യത്തുടനീളമുള്ള ദശലക്ഷക്കണക്കിന് കുടുംബങ്ങളുടെ സാമ്പത്തിക ഭാരം ഗണ്യമായി ലഘൂകരിക്കും, പ്രത്യേകിച്ചും നമ്മുടെ സ്ത്രീ ശക്തിക്ക് പ്രയോജനം ചെയ്യും,” പ്രധാനമന്ത്രി ട്വീറ്റ് ചെയ്തു."പാചക വാതകം കൂടുതൽ താങ്ങാനാവുന്നതാക്കി മാറ്റുന്നതിലൂടെ, കുടുംബങ്ങളുടെ ക്ഷേമത്തെ പിന്തുണയ്ക്കാനും ആരോഗ്യകരമായ അന്തരീക്ഷം ഉറപ്പാക്കാനും ഞങ്ങൾ ലക്ഷ്യമിടുന്നു.

ഇത് സ്ത്രീകളെ ശാക്തീകരിക്കുന്നതിനും അവർക്ക് 'ജീവിതം എളുപ്പം' ഉറപ്പാക്കുന്നതിനുമുള്ള ഞങ്ങളുടെ പ്രതിബദ്ധതയ്ക്ക് അനുസൃതമാണിത്," അദ്ദേഹം എഴുതി. മാർച്ച് 1 ന്, എണ്ണ കമ്പനികൾ 19 കിലോ വാണിജ്യ എൽപിജി ഗ്യാസ് സിലിണ്ടറുകളുടെ വില വർദ്ധന പ്രഖ്യാപിച്ചിരുന്നു. വാണിജ്യ സിലിണ്ടറിന്റെ വില 26 രൂപയോളമാണ് വർധിച്ചത്. തുടർച്ചയായ രണ്ടാം മാസമാണ് എണ്ണ വിപണന കമ്പനികൾ 19 കിലോ സിലിണ്ടറിന്റെ വില വർധിപ്പിക്കുന്നത്. ഇതോടെ, 19 കിലോഗ്രാം വാണിജ്യ എൽപിജി ഗ്യാസ് സിലിണ്ടർ 1,795.00 രൂപയ്ക്കാണ് ഡൽഹിയിൽ ലഭിക്കുന്നത്. കൊൽക്കത്തയിൽ വാണിജ്യ ഗ്യാസ് സിലിണ്ടറുകളുടെ പുതുക്കിയ വില 1,911.00 രൂപയും മുംബൈയിൽ 1,749.00 രൂപയും ചെന്നൈയിൽ 1,960.50 രൂപയുമാണ്കഴിഞ്ഞ മാസം ബജറ്റ് ദിനത്തിൽ ഫെബ്രുവരി 1 ന് 14 രൂപയാണ് വാണിജ്യ സിലിണ്ടറിന് വർദ്ധിപ്പിച്ചത്.

ഇത്തവണ സിലിണ്ടറിൻ്റെ വില 25 രൂപ വർദ്ധിപ്പിക്കുകയായിരുന്നു.പുതിയ നിരക്കുകൾ IOCL-ൻ്റെ വെബ്‌സൈറ്റിൽ പ്രസിദ്ധീകരിച്ചു. പുതിയ നിരക്ക് അനുസരിച്ച് കേരളത്തിൽ 26 രൂപയാണ് കൂട്ടിയത്. ഇതോടെ വില 1806 രൂപയായി ഉയർന്നു. രാജ്യ തലസ്ഥാനമായ ഡൽഹിയിൽ വാണിജ്യ സിലിണ്ടർ 1795 രൂപയ്ക്ക് ലഭിക്കും. അതേസമയം കൊൽക്കത്തയിൽ ഈ സിലിണ്ടറിന് 1911 രൂപയായി. മുംബൈയിൽ വാണിജ്യ സിലിണ്ടറിൻ്റെ നിരക്ക് 1749 രൂപയായപ്പോൾ ചെന്നൈയിൽ 1960.50 രൂപയായി.