കോണ്ഗ്രസ് സര്ക്കാര് അധികാരത്തിലെത്തിയാല്.. വനിതകള്ക്ക് 50 ശതമാനം സംവരണം ഉള്പ്പെടെ വന് പ്രഖ്യാപനങ്ങളുമായി രാഹുല് ഗാന്ധി
കോണ്ഗ്രസ് സര്ക്കാര് അധികാരത്തിലെത്തിയാല് സര്ക്കാര് ജോലിയില് വനിതകള്ക്ക് 50 ശതമാനം സംവരണം ഉള്പ്പെടെ വന് പ്രഖ്യാപനങ്ങളുമായി രാഹുല് ഗാന്ധി. കോണ്ഗ്രസ് സര്ക്കാര് അധികാരത്തിലെത്തിയാല് നിര്ധനരായ സ്ത്രീകള്ക്ക് ഒരു ലക്ഷം രൂപയുടെ ധനസഹായം ബാങ്ക് അക്കൗണ്ടുകള് മുഖേന നല്കുമെന്നും രാഹുല് ഗാന്ധി പറഞ്ഞു.
മഹാരാഷ്ട്രയിലെ ധുലെയില് നടന്ന മഹിള മേളയിലായിരുന്നു കോണ്ഗ്രസിന്റെ തിരഞ്ഞെടുപ്പ് വാഗ്ദാനങ്ങള് രാഹുല് ഗാന്ധി പ്രഖ്യാപിച്ചത്. ഇന്ത്യയിലെ എല്ലാ ജില്ലകളിലും സാവിത്രി ഭായി ഫുലെയുടെ പേരില് വനിത ഹോസ്റ്റലുകള്, എല്ലാ പഞ്ചായത്തുകളിലും സ്ത്രീകളുടെ പ്രശ്ന പരിഹാരത്തിനായി വനിത വരണാധികാരികള് എന്നിവയും മഹിള ന്യായ് പ്രഖ്യാപനങ്ങളുടെ ഭാഗമാണ്.
അംഗനവാടി, ആശാ വര്ക്കര്മാര് എന്നിവരുടെ ശമ്പള വര്ദ്ധനവ് ഉള്പ്പെടെ സ്ത്രീപക്ഷ പ്രഖ്യാപനങ്ങളാണ് രാഹുല് ഗാന്ധി നടത്തിയത്. കഴിഞ്ഞ ദിവസം നന്ദൂര്ബറില് ആദിവാസി ന്യായ് എന്ന പേരില് ആദിവാസി ഗോത്ര വിഭാഗങ്ങള്ക്കായുളള പ്രഖ്യാപനങ്ങളും നടത്തിയിരുന്നു. വനാവകാശ നിയമം ശക്തിപെടുത്തല്, വനവിഭവങ്ങള്ക്ക് താങ്ങുവില ഉറപ്പാക്കല് എന്നിവയായിരുന്നു പ്രഖ്യാപനത്തിലുണ്ടായിരുന്നത്.
https://www.facebook.com/Malayalivartha