മുംബൈയില്‍ റാലിയെ അഭിസംബോധന ചെയ്തു സംസാരിക്കവെ ഞായറാഴ്ച രാഹുല്‍ ഗാന്ധി പറഞ്ഞ 'ശക്തി' പരാമര്‍ശത്തെ വിമര്‍ശിച്ച പ്രധാനമന്ത്രി നരേന്ദ്രമോദിക്ക് മറുപടിയുമായി കോണ്‍ഗ്രസ് നേതാവ് രാഹുല്‍ ഗാന്ധി. മോദി തന്റെ പരാമര്‍ശത്തിന്റെ അര്‍ത്ഥം വളച്ചൊടിക്കുകയാണെന്ന് അദ്ദേഹം ആരോപിച്ചു. ''ഞാന്‍ സംസാരിക്കുന്നത് സത്യമാണെന്ന് പ്രധാനമന്ത്രിക്ക് അറിയാമെന്നും രാഹുല്‍ പറഞ്ഞു.

മുംബൈയില്‍ റാലിയെ അഭിസംബോധന ചെയ്തു സംസാരിക്കവെ ഞായറാഴ്ച രാഹുല്‍ ഗാന്ധി ഇലക്ട്രോണിക് വോട്ടിംഗ് മെഷീനുകളെ (ഇവിഎം) ചോദ്യം ചെയ്യാന്‍ 'ശക്തി' ആര്‍ജ്ജിക്കണമെന്നും അവയില്ലാതെ പ്രധാനമന്ത്രി മോദിക്ക് തിരഞ്ഞെടുപ്പില്‍ വിജയിക്കാന്‍ കഴിയില്ലെന്നും അവകാശപ്പെടുകയും ചെയ്തിരുന്നു. ഇതിന് മറുപടിയായി ഇന്ന് പ്രധാന മന്ത്രിയും രംഗത്തെത്തിയിരുന്നു.

'ഹിന്ദുമതത്തില്‍ ശക്തി എന്നൊരു വാക്ക് ഉണ്ട്. നമ്മള്‍ ഒരു ശക്തിക്കെതിരെയാണ് പോരാടുന്നത്. എന്താണ് ആ ശക്തി എന്നതാണ് ചോദ്യം. രാജാവിന്റെ ആത്മാവ് ഇവിഎമ്മിലുണ്ട്. എന്നത് ശരിയാണ്. കൂടാതെ രാജ്യത്തെ എല്ലാ സ്ഥാപനങ്ങളിലും, ഇഡി, സിബിഐ, ആദായനികുതി വകുപ്പുകളിലും ഉണ്ടെന്നും അദ്ദേഹം പറഞ്ഞു.

ഇന്ന് രാവിലെ പ്രധാനമന്ത്രി മോദി രാഹുല്‍ ഗാന്ധിക്കും പ്രതിപക്ഷത്തിനും നേരെ ആഞ്ഞടിച്ചിരുന്നു. 2024ലെ പോരാട്ടം ആ 'ശക്തി' യെ നശിപ്പിക്കാന്‍ ആഗ്രഹിക്കുന്നവരും അവരെ ആരാധിക്കുന്നവരും തമ്മിലുള്ളതാണെന്ന് അദ്ദേഹം പറഞ്ഞു.

. 'മോദി ജി എന്റെ വാക്കുകള്‍ ഇഷ്ടപ്പെടുന്നില്ല. ഏതെങ്കിലും തരത്തില്‍ അല്ലെങ്കില്‍ അത് വളച്ചൊടിച്ച് അതിന്റെ അര്‍ത്ഥം മാറ്റാനാണ് അദ്ദേഹം എപ്പോഴും ശ്രമിക്കുന്നത്. ഞാന്‍ ആഴത്തിലുള്ള ഒരു സത്യമാണ് പറഞ്ഞെതെന്ന് അദ്ദേഹതിത്തിനറിയാം. . ഞാന്‍ പറഞ്ഞ 'ശക്തി' ആരോടാണോ നമ്മള്‍ പോരാടുന്നത് അതിന്റെ മുഖം മൂടിയെയാണ്, അത് മറ്റാരുമല്ല മോദി ജി തന്നെയാണ്.' എക്സിലെ ഒരു നീണ്ട പോസ്റ്റില്‍ രാഹുല്‍ ഗാന്ധി തന്റെ പരാമര്‍ശങ്ങളെ കുറിച്ചു വിശദീകരിച്ചു.