ബീഹാറിലെ ലോക്സഭ സീറ്റ് വിഭജനത്തെ ചൊല്ലിയുള്ള തര്ക്കം... രാഷ്ട്രീയ ലോക്ജന്ശക്തി പാര്ട്ടി നേതാവ് പശുപരതി പരസ് കേന്ദ്ര മന്ത്രി സ്ഥാനം രാജിവെച്ചു
ബീഹാറിലെ ലോക്സഭ സീറ്റ് വിഭജനത്തെ ചൊല്ലിയുള്ള തര്ക്കം... രാഷ്ട്രീയ ലോക്ജന്ശക്തി പാര്ട്ടി നേതാവ് പശുപരതി പരസ് കേന്ദ്ര മന്ത്രി സ്ഥാനം രാജിവെച്ചു.
ബീഹാറില് ലോക്ജന്ശക്തി പാര്ട്ടി ചിരാഗ് പാസ്വാന് വിഭാഗത്തിന് എന്.ഡി.എ അഞ്ച് സീറ്റുകള് നല്കുകയും തന്നെയും പാര്ട്ടിയെയും അവഗണിക്കുകയും ചെയ്തതില് പ്രതിഷേധിച്ചാണ് ഭക്ഷ്യസംസ്കരണ വകുപ്പ് മന്ത്രിയായ പശുപതി പരസിന്റെ രാജി.
പശുപരതി പരസിന്റെ അനന്തരവന് കൂടിയായ ചിരാഗ് പാസ്വാന്റെ നേതൃത്വത്തിലുള്ള ലോക്ജന്ശക്തി പാര്ട്ടിക്ക് (എല്.ജെ.പി) അഞ്ച് സീറ്റ് നല്കിയപ്പോള് പരസ് വിഭാഗത്തിന്റെ ആര്.എല്.ജെ.പിക്ക് സീറ്റ് നല്കിയിരുന്നില്ല. തങ്ങളോടും പാര്ട്ടിയോടും ബി.ജെ.പി നീതികേട് കാണിച്ചത് കൊണ്ടാണ് രാജിയെന്ന് പശുപതി പരസ് .
ആകെ 40 ലോക്സഭ മണ്ഡലങ്ങളുള്ള ബീഹാറില് കഴിഞ്ഞ ദിവസമാണ് എന്.ഡി.എ സീറ്റ് വിഭജനം പൂര്ത്തിയാക്കിയത്. 17 സീറ്റുകളില് ബി.ജെ.പിയാണ് മത്സരിക്കുന്നത്.
മുഖ്യമന്ത്രി നിതീഷ് കുമാറിന്റെ ജനതാദള് യുണൈറ്റഡ് (ജെ.ഡി.യു) 16 സീറ്റുകളിലും ചിരാഗ് പാസ്വാന്റെ ലോക് ജനശക്തി പാര്ട്ടി അഞ്ച് സീറ്റുകളിലും ജനവിധി തേടുന്നതാണ്. ജിതന് റാം മാഞ്ചിയുടെ ഹിന്ദുസ്ഥാന് അവാം മോര്ച്ചയും ഉപേന്ദ്ര കുശ്വാഹയുടെ ആര്.എല്.എമ്മും ഓരോ സീറ്റിലും മത്സരിക്കുകയും ചെയ്യും.
https://www.facebook.com/Malayalivartha
