മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലെ അംഗങ്ങളുടെ വേതനം വര്ധിപ്പിക്കാന് കേന്ദ്രത്തിന് തിരഞ്ഞെടുപ്പ് കമ്മിഷന്റെ അനുമതി....
മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലെ അംഗങ്ങളുടെ വേതനം വര്ധിപ്പിക്കാന് കേന്ദ്രത്തിന് തിരഞ്ഞെടുപ്പ് കമ്മിഷന്റെ അനുമതി.
ലോക്സഭാ തിരഞ്ഞെടുപ്പ് പ്രഖ്യാപിച്ചതിന് പിന്നാലെയാണ് മന്ത്രാലയം കമ്മിഷനെ സമീപിച്ചത്. കമ്മിഷന്റെ അനുമതി ലഭിച്ചതിനാല് ഒരാഴ്ചയ്ക്കുള്ളില് വര്ധിപ്പിച്ച വേതനം നിലവില്വരുമെന്നാണ് സൂചനകളുള്ളത്.
വേതനവര്ധനവില് അനുഭാവപൂര്ണ്ണമായ നിലപാട് സ്വീകരിക്കണമെന്ന് പാര്ലമെന്ററി സ്റ്റാന്ഡിങ് കമ്മിറ്റി കേന്ദ്രത്തോട് നിര്ദേശിച്ചിട്ടുണ്ടായിരുന്നു. ഡി.എം.കെ. നേതാവ് കനിമൊഴി അധ്യക്ഷയായ പാര്ലമെന്ററി കമ്മിറ്റിയാണ് വേതനവര്ധനവിന് ശുപാര്ശ നല്കിയത്. ഗ്രാമപ്രദേശങ്ങളില് ഓരോ കുടുംബത്തിനും സാമ്പത്തിക വര്ഷം പരമാവധി 100 ദിവസം തൊഴിലുറപ്പ് നല്കുന്ന പദ്ധതിയാണ് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി.
നിലവിലെ സാമ്പത്തികവര്ഷം ആറുകോടി കുടുംബങ്ങള്ക്കാണ് പദ്ധതി വഴി തൊഴില് ലഭ്യമായത്. ഇതില് 35.5 ലക്ഷം കുടുംബങ്ങള്ക്ക് 100 ദിവസത്തെ തൊഴിലുറപ്പ് ലഭ്യമായിട്ടുണ്ട്.
"
https://www.facebook.com/Malayalivartha
