തന്റെ മൂത്ത സഹോദരനെപ്പോലെയാണ് മോദിയെന്ന് ഭൂട്ടാന് പ്രധാനമന്ത്രി... രണ്ട് ദിവസത്തെ ഔദ്യോഗിക സന്ദര്ശനത്തിനായി ഭൂട്ടാനിലെത്തിയ പ്രധാനമന്ത്രി നരേന്ദ്രമോദിക്ക് ഭൂട്ടാനിലെ പരമോന്നത സിവിലിയന് ബഹുമതി
രണ്ട് ദിവസത്തെ ഔദ്യോഗിക സന്ദര്ശനത്തിനായി ഭൂട്ടാനിലെത്തിയ പ്രധാനമന്ത്രി നരേന്ദ്രമോദിക്ക് ഭൂട്ടാനിലെ പരമോന്നത സിവിലിയന് ബഹുമതിയായ ഓര്ഡര് ഓഫ് ദി ഡ്രക് ഗ്യാല്പോ സമ്മാനിച്ചു. ഇന്ത്യ-ഭൂട്ടാന് ബന്ധം ഊട്ടിയുറപ്പിക്കുന്നതിന്റെ ഭാഗമായാണ് പ്രധാനമന്ത്രിയുടെ സന്ദര്ശനം.
ഭൂട്ടാന് രാജാവ് ജിഗ്മേ ഖേസര് നാംഗ്യേല് വാങ്ചുക്കില് നിന്ന് മോദി ബഹുമതി ഏറ്റുവാങ്ങി. ഇന്ത്യ ഭൂട്ടാന് ബന്ധത്തിന്റെ വളര്ച്ചയ്ക്കുവഹിച്ച പങ്കും ഭൂട്ടാന് രാഷ്ട്രത്തിനും ജനങ്ങള്ക്കും നല്കിയ മികച്ച സംഭാവനകളും പരിഗണിച്ചാണ് ബഹുമതി.
ഭൂട്ടാനിലെ പാരോ എയര്പോര്ട്ടില് ഭൂട്ടാന് പ്രധാനമന്ത്രി ഷെറിംഗ് ടോബ്ഗേ നരേന്ദ്രമോദിയ്ക്ക് വന് സ്വീകരണമാണ് നല്കിയത്. തന്റെ മൂത്ത സഹോദരനെപ്പോലെയാണ് മോദിയെന്ന് ഭൂട്ടാന് പ്രധാനമന്ത്രി പിന്നീട് എക്സില് കുറിച്ചു.
എന്റെ മൂത്ത സഹോദരനായ പ്രധാനമന്ത്രി നരേന്ദ്രമോദിയ്ക്ക് ഭൂട്ടാനിലേക്ക് സ്വാഗതം' എന്നാണ് ടോബ്ഗേ എക്സില് കുറിച്ചത്.
https://www.facebook.com/Malayalivartha
