ജമ്മു കശ്മീരിലെ കത്വയില്‍ സുരക്ഷാ സേനയും ഭീകരരും തമ്മിലുണ്ടായ ഏറ്റുമുട്ടലില്‍ ചൊവ്വാഴ്ച ഒരു ഭീകരന്‍ കൊല്ലപ്പെട്ടു. കേന്ദ്രമന്ത്രി ജിതേന്ദ്ര സിംഗ് പറയുന്നതനുസരിച്ച്, അന്താരാഷ്ട്ര അതിര്‍ത്തിയോട് (ഐബി) ഹീരാനഗര്‍ സെക്ടറില്‍ സ്ഥിതി ചെയ്യുന്ന കത്വയിലെ സൈദ ഗ്രാമത്തിലെ വീടിന് നേരെയാണ് ഭീകരര്‍ ആക്രമണം നടത്തിയത്.

ഭീകരാക്രമണത്തെക്കുറിച്ച് മുന്നറിയിപ്പ് ലഭിച്ചതിനെ തുടര്‍ന്ന് സുരക്ഷാ സേന ഗ്രാമത്തിലെത്തി ഒരു ഭീകരനെ നിര്‍വീര്യമാക്കി. കത്വ പോലീസ് സൂപ്രണ്ട് (എസ്പി), അനയത് അലി ചൗധരി ഏറ്റുമുട്ടല്‍ സ്ഥലത്തുണ്ടായിരുന്നുവെന്ന് മന്ത്രി അറിയിച്ചു. ഞായറാഴ്ച രാവിലെ, ജമ്മു കശ്മീരിലെ റിയാസി ജില്ലയില്‍ തീര്‍ഥാടകര്‍ സഞ്ചരിച്ച ബസിനുനേരെ ഭീകരര്‍ വെടിയുതിര്‍ക്കുകയും ഒമ്പത് പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു.