യു.എസ് പ്രസിഡന്റായി തെരഞ്ഞെടുക്കപ്പെട്ട ഡോണള്‍ഡ് ട്രംപിനെ ഫോണില്‍ വിളിച്ച് പ്രധാനമന്ത്രി നരേന്ദ്ര മോദി. ബുധനാഴ്ചയാണ് ട്രംപിനെ ഫോണില്‍ വിളിച്ച് തെരഞ്ഞെടുപ്പ് വിജയത്തില്‍ മോദി അഭിനന്ദിച്ചത്.

ഒരിക്കല്‍ കൂടി ഒരുമിച്ച് നിന്ന് പ്രവര്‍ത്തിച്ച് ടെക്‌നോളജി, പ്രതിരോധം, ഊര്‍ജം, ബഹിരാകാശം തുടങ്ങിയ സെക്ടറുകളില്‍ ഇരുരാജ്യങ്ങളും തമ്മിലുള്ള ബന്ധം ശക്തമാക്കാനുള്ള നടപടികള്‍ സ്വീകരിക്കുമെന്ന് മോദി .

അമേരിക്കന്‍ പ്രസിഡന്റ് തെരഞ്ഞെടുപ്പില്‍ ചരിത്ര വിജയം നേടിയ റിപബ്ലിക്കന്‍ പാര്‍ട്ടി സ്ഥാനാര്‍ഥി ഡോണാള്‍ഡ് ട്രംപിനെ അഭിനന്ദിച്ച് നരേന്ദ്ര മോദി കഴിഞ്ഞ ദിവസം തന്നെ രംഗത്തെത്തിയിരുന്നു.


യു.എസ് സന്ദര്‍ശനത്തിന്റെ ചിത്രങ്ങള്‍ പങ്കുവെച്ചായിരുന്നു ആശംസ. ഇന്ത്യയും യു.എസും തമ്മിലുള്ള ബന്ധം ഇനിയും മെച്ചപ്പെടുമെന്നാണ് പ്രതീക്ഷയെന്നും മോദി പറഞ്ഞിട്ടുണ്ടായിരുന്നു. ട്രംപ് വീണ്ടും പ്രസിഡന്റായി അധികാരത്തിലേക്ക് എത്തുമ്പോള്‍ ഇന്ത്യയും യു.എസും തമ്മിലുള്ള ബന്ധം കൂടുതല്‍ മെച്ചപ്പെടുമെന്നാണ് പ്രതീക്ഷ.