കോളനിവത്ക്കരണ സമയത്ത് ബ്രിട്ടീഷുകാര്‍ സ്വന്തം നാട്ടിലേക്ക് കടത്തിയ അമൂല്യ രത്‌നം കൊഹിനൂര്‍ തിരിച്ചുകൊണ്ടുവരണമെന്ന ആവശ്യം ഇന്ത്യയില്‍ ശക്തമാകവെ ഒരു മത്സരത്തിന് തയ്യാറെടുത്ത് പാകിസ്താന്‍. ക്യൂന്‍ എലിസബത്ത് സെക്കന്‍ഡിന്റെ പക്കല്‍നിന്നും കൊഹിനൂര്‍ തിരിച്ചുപിടിക്കാന്‍ സര്‍ക്കാരിനോട് ഉത്തരവിടണമെന്ന് ആവശ്യപ്പെട്ട് സമര്‍പ്പിച്ച ഹര്‍ജി പാക് കോടതി ഫയലില്‍ സ്വീകരിച്ചു.
ലാഹോര്‍ ഹൈക്കോടതിയാണ് ഹര്‍ജി ഫയലില്‍ സ്വീകരിച്ചത്. ഫയല്‍ ഒരു മികച്ച ബഞ്ചിന് കൈമാറാന്‍ കോടതി രജിസ്ട്രാര്‍ ഓഫീസിന് നിര്‍ദേശം നല്‍കി. ബ്രിട്ടീഷ് രാജ്ഞിയുമായി ബന്ധപ്പെട്ട വിഷയത്തില്‍ സര്‍ക്കാരിന് ഇടപെടാന്‍ കോടതിക്ക് കഴിയില്ലെന്ന് രജിസ്ട്രാര്‍ ഓഫീസ് മുമ്പ് വ്യക്തമാക്കിയിരുന്നു.
അഭിഭാഷകനായ ജാവേദ് ഇക്ബാല്‍ ജാഫെറിയാണ് ഹൈക്കോടതിയില്‍ ഹര്‍ജി സമര്‍പ്പിച്ചത്. ദാലിപ് സിങില്‍നിന്നും ബ്രിട്ടീഷുകാര്‍ തട്ടിയെടുത്തതാണ് രത്‌നമെന്നും, ഇത് പിന്നീട് യു.കെയിലേക്ക് കൊണ്ടുപോവുകയായിരുന്നു എന്നും ഹര്‍ജിയില്‍ ചൂണ്ടിക്കാണിക്കുന്നു.
വിക്കി പീഡിയ റിപ്പോര്‍ട്ട് അനുസരിച്ച് 13ാം നൂറ്റാണ്ടില്‍ ആന്ധ്രാപ്രദേശിലെ കൊല്ലൂര്‍ ഖനിയില്‍നിന്നാണ് കൊഹിനൂര്‍ രത്‌നം കണ്ടെത്തിയത്. നിലവില്‍ ബ്രിട്ടീഷ് രാജ്ഞിയുടെ കിരീടത്തിലെ പ്രധാന ഭാഗമാണ് കൊഹിനൂര്‍ രത്‌നം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha