നിയമസഭാ തിരഞ്ഞെടുപ്പില്‍ ബംഗാളില്‍ കോണ്‍ഗ്രസ് സഖ്യത്തിന് ഇടതുപക്ഷ പാര്‍ട്ടികളുടെ പിന്തുണ
പശ്ചിമ ബംഗാളില്‍ കോണ്‍ഗ്രസുമായുള്ള സഖ്യത്തിന് ഇടതു പാര്‍ട്ടികളുടെ പിന്തുണ. കോണ്‍ഗ്രസ് സന്നദ്ധമായാല്‍ ജനാധിപത്യം പുനഃസ്ഥാപിക്കാന്‍ കോണ്‍ഗ്രസുമായി ചര്‍ച്ചയാകാമെന്ന് സിപിഎം നേതാവ് ബിമന്‍ ബോസ് പറഞ്ഞു. കൊല്‍ക്കത്തയില്‍ ചേര്‍ന്ന 11 ഇടതുപാര്‍ട്ടികളുടെ യോഗത്തിലാണ് തീരുമാനം. സഖ്യം സംബന്ധിച്ച് അന്തിമ തീരുമാനം സിപിഎം കേന്ദ്ര കമ്മിറ്റിയെടുക്കും.
സഖ്യവുമായി ബന്ധപ്പെട്ട് വെള്ളി, ശനി ദിവസങ്ങളില്‍ കൊല്‍ക്കത്തയില്‍ ചേരുന്ന സംസ്ഥാന സമിതിയില്‍ നിര്‍ണായക തീരുമാനം ഉണ്ടാവുമെന്നാണ് കരുതുന്നത്. കേന്ദ്രത്തില്‍നിന്നു ജനറല്‍ സെക്രട്ടറി സീതാറാം യച്ചൂരിയും പ്രകാശ് കാരാട്ടും സംബന്ധിക്കും. പ്രത്യേക സാഹചര്യമായതിനാല്‍ ത്രിപുര മുഖ്യമന്ത്രി മണിക് സര്‍ക്കാരും എത്തണമെന്നു പാര്‍ട്ടി നേതൃത്വം ആവശ്യപ്പെട്ടതായാണു സൂചന.
ബംഗാളിലെ കോണ്‍ഗ്രസ് സഖ്യവുമായി ബന്ധപ്പെട്ട് സിപിഎമ്മിനുള്ളില്‍ വലിയ പ്രതിസന്ധി രൂപപ്പെട്ടിരുന്നു. സീതാറാം യെച്ചൂരിയും പ്രകാശ് കാരട്ടും ഉള്‍പ്പെടെയുള്ള നേതാക്കള്‍ ഇക്കാര്യത്തില്‍ രണ്ടു തട്ടിലാണ്. കോണ്‍ഗ്രസുമായി സഖ്യമോ ധാരണയോ പാടില്ല; പാര്‍ട്ടി കരുത്താര്‍ജിച്ച് ഇടതുമുന്നണിയെ വളര്‍ത്തണം എന്ന രാഷ്ട്രീയ ലൈനിന്റെ നിലനില്‍പാണു കോണ്‍ഗ്രസുമായി നീക്കുപോക്ക് വേണമെന്നു വാദിക്കുന്ന ബംഗാള്‍ ഘടകം ചോദ്യം ചെയ്യുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
